سينوپتيكتەر ماۋسىمنىڭ 22ء-سى مەن 24ء-ى كۇندەرىنە اۋا رايىن بولجادى. اۋا رايىنا سايكەس، الداعى ءۇش تاۋلىكتە رەسپۋبليكادا كۇن وتە قاتتى ىستىق بولىپ، وڭتۇستىكتە اۋا تەمپەراتۋراسى 45 گرادۋسقا دەيىن كوتەرىلەدى دەپ، حابارلايدى قامشى اقپاراتتىق اگەنتتىگى  «قازگيدرومەت» مالىمەتىنە سۇيەنىپ.

«باتىس ءسىبىر ارقىلى بىرىنەن كەيىن ءبىرى بەلسەندى سيكلوندار كوشۋدە. وسىلارمەن بايلانىستى اتموسفەرالىق فرونتتار قازاقستان اۋماعى ارقىلى جىلجىپ كەي جەرلەردە وتكىنشى جاڭبىر، نايزاعاي، بۇرشاق جانە داۋىلدى جەلدىڭ كۇشى سەكۋندىنا 15-25 مەتر بولادى»،-دەپ حابارلادى مەتەورولوگتار.

رەسپۋبليكانىڭ باتىسى مەن سولتۇستىگىندە فرونتتاردىڭ وتۋىمەن اۋا تەمپەراتۋراسى نورماعا جاقىن جانە تومەن بولادى دەپ كۇتىلۋدە. ال قالعان اۋماقتا اۋا تەمپەراتۋراسى كليماتتىق نورمادان 4-7 گرادۋستان جوعارى بولىپ ساقتالادى.

قازاقستاننىڭ وڭتۇستىگىندە، الداعى تاۋلىكتەردە وتە ىستىق بولادى، وسىندا كۇندىزگى اۋا تەمپەراتۋراسى 33-39 گرادۋس، كەي جەرلەردە 40-45 گرادۋس ىستىق بولادى دەپ بولجانۋدا.

استانادا كوشپەلى بۇلتتى، جاۋىن-شاشىنسىز. جەل باتىس، وڭتۇستىك-باتىسان سوعادى، كۇشى سەكۋندىنا 9-14 مەتر بولادى.  اۋانىڭ  تەمپەراتۋراسى تۇندە 14-16 گرادۋس، كۇندىز 29-31 گرادۋس ىستىق بولادى.

الماتىدا كوشپەلى بۇلتتى، جاۋىن-شاشىنسىز. جەلدىڭ كۇشى سەكۋندىنا 0-5 مەتر بولادى. اۋانىڭ تەمپەراتۋراسى تۇندە 20-22 گرادۋس، كۇندىز 32-34 گرادۋس ىستىق بولادى.  

شولۋشى: ايگەرىم تاۋباي