قىتايدا تەك قولدانىلاتىن زاتتاردى عانا ەمەس، سونىمەن قاتار تابيعي ونىمدەر، ياعني تاعامداردى دا قولدان جاساپ ۇيرەنگەن. ءبىزدىڭ ەلىمىزدەگى سۋپەرماركەت سورەلەرىندەگى تاعامداردىڭ كوپشىلىگى ءدال سول قىتايدان جەتكىزىلەتىنى بارىمىزگە ءمالىم. ەندەشە قامشى اقپاراتتىق اگەنتتىگى شەتەلدىك باق-قا سىلتەمە جاساي وتىرىپ قولدانۋعا بولمايتىن تاعامداردىڭ ءتىزىمىن كورسەتەدى. كوپشىلىگىندە 690-693 شتريحكودىمەن بەرىلەتىن تاعامدار بولىپ تابىلادى.

1 تيلياپيا بالىعى

تيلياپيا بالىعى جۇڭگو فەرمالارىندا قولدان وسىرىلەدى. بۇل بالىقتىڭ ءتۇرىن ساتىپ الۋشىلار كوپ. بۇل بالىق ساپاسى تىم ناشار، ۋىتتى بالىقتاردىڭ ءبىرى. تيلياپيا كىشىگىرىم باسسەيندەردە وسىرىلەدى جانە دە ول كوزىنە كورىنگەننىڭ بارلىعىمەن قورەكتەنە بەرەدى.

قىتايدا بۇل بالىقتىڭ ءتۇرىن ءوز بالالارىنا ەشكىم دە جەگىزبەيدى، سەبەبى ولار بۇل بالىقتىڭ قالاي وسىرىلەتىنىن جاقسى بىلەدى. تمد ەلدەرى اراسىندا تيلياپيا بالىعىنىڭ 80 %-ى قىتايدان جەكىزىلەدى.

2 ترەسكا بالىعى

بۇل – جۇڭگو فەرمالارىنىڭ بىرىندە قولدان وسىرىلەتىن بالىقتاردىڭ تاعى ءبىر ءتۇرى. بۇل بالىق ءوزىنىڭ قالدىعىمەن قورەكتەنىپ، سونىڭ ورتاسىندا ءومىر سۇرەتىن بولعاندىقتان بۇل بالىقتان دا اۋلاق بولۋ كەرەك. قازىرگى تاڭدا ەلىمىزدەگى ترەسكا بالىعىنىڭ 50%-ى قىتايدان اكەلىنەدى.

3 قىتايدان كەلەتىن الما شىرىنى

ءبىزدىڭ ەلىمىزدەگى الما شىرىنىنىڭ 50%-ى قىتايدان جەتكىزىلەدى ەكەن. جۇڭگو قازىرگى تاڭدا جەر شارىن پەستيسيدتەرمەن لاستاۋدان ءبىرىنشى ورىندا تۇر. ءالى كۇنگە دەيىن جۇڭگو ولاردىڭ قۇرامىن ءونىم قوراپشالارىندا كورسەتپەيدى.

بالالارىڭىزدىڭ دەنساۋلىعى ءۇشىن قوراپتاعى الما شىرىنىنان مۇلدە باس تارتۋ قاجەت. جەمىس شىرىنىن تەك ۇيدە جاساپ، تۇتىنعان ابزال.

4 كونسەرۆىلەنگەن ساڭىراۋقۇلاقتار

بىرنەشە ۋاقىت بۇرىن اقش  سانەپيدەمستانسياسى قىتايدان جەتكىزىلەتىن كونسەرۆىلەنگەن ساڭىراۋقۇلاقتاردىڭ اراسىنان بۇزىلعان ونىمدەرىنىڭ كوپشىلىگىن تاۋىپ الدى. قىتايدىڭ كوپتەگەن فەرمالارى ءوز مۇددەلەرى ءۇشىن كونسەرۆىلەنگەن بانكالاردىڭ سىرتىنا «ورگانيكالىق» دەگەن جازۋدى كوپتەپ جازاتىن بولعان. استارىنا ءۇڭىلىپ قارايتىن بولساق قىتايدان جەتكىزىلەتىن ساڭىراۋقۇلاقتار مۇلدە تۇتىنۋعا جارامسىز ەكەندىگىن بايقاۋعا بولادى. جانە دە مۇنداي ساڭىراۋقۇلاقتاردىڭ 34%-ى قىتايدان اكەلىنەدى.

5 جۇڭگو سارىمساعى

قىتايدا سارىمساقتى ۇزاق ۋاقىت بۇلدىرمەي ساقتاۋ ءۇشىن وعان كوپتەگەن حيميكاتتار سەۋىپ ساقتايدى. ەلىمىزدە ساتىلاتىن سارىمساقتاردىڭ 31%-ى قىتايلىق بولىپ تابىلادى.

6 تاۋىق ەتى

قۇس تۋماۋى بويىنشا جۇڭگو ءبىرىنشى ورىنعا تۇرعان مەملەكەت. سول سەبەپتى دە ءسىز تۇتىنىپ وتىرعان قۇس ەتى دە سول اۋرۋعا شالدىقپاعانىنا كەپىلدىك بەرۋ وتە قيىن. سونىمەن قاتار قىتايدان اكەلىنەتىن تاۋىق ەتى وتە كولەمدى بولىپ كەلەدى. مۇنىڭ دا استارىندا ءبىر قيتۇرقى ىس-ارەكەت جاتقانى بەلگىلى.

7 پلاستيكادان جاسالىنعان كۇرىش

قىتايدا كۇرىشتى كارتوپ پەن بىرنەشە سينتەتيكالىق زاتتاردى قولدانۋ ارقىلى كۇرىشتى قولدان جاساپ شىعارادى. ەگەر كۇرىشتى قايناتۋ بارىسىندا ول قاتتى كۇيىندە قالسا جانە دە ۇزاق ۋاقىت قايناسا، وندا ول كۇرىشتىڭ قۇرامىندا پلاستيكا بار دەگەن ءسوز. ال مۇنداي ونىمدەر ادامداردى قاتەرلى ىسىك دەرتىنە شالدىقتىرادى.

8 تۇيىرشىكتەلگەن قارا بۇرىش

قىتايدا قارا بۇرىش وندىرۋشىلەر ونىڭ قۇرامىنا ارنايى تۇنبا قوسادى. ول بۇرىشتى قولدانۋ كەزىندە ءسىز ونى بايقاماي دا قالاسىز.

9 تۇز

ونەركاسىپتىك تۇزدىڭ تۇرمىستا قولدانىلاتىن تۇزدان ايىرماشىلىعى زور. الايدا ءدال سول وندىرىستىك تۇز ءبىزدىڭ ەلىمىزگە بىرنەشە جىلدار بويى اسقا قولداناتىن تۇزدىڭ ءتۇرى بولىپ اكەلىنۋدە. ۋاقىت وتە كەلە ول تۇز فيزيكالىق-پسيحيكالىق اۋىتقۋشىلىق پەن  رەپرودۋكتيۆتىلىكتىڭ بۇزىلۋىنا اكەلىپ سوقتىرادى.

10 جاسىل بۇرشاق

بۇل ءونىم 2005 جىلدان باستاپ قىتايدا جاپپاي وندىرىلە باستاعان. جاساندى جاسىل بۇرشاقتىڭ قۇرامىندا سويا، جاسىل بوياعىش پەن ناتريا مەتابيسۋلفيتى بولادى. ال بۇل حيميالىق زات تۇتىناتىن تاعامدارعا قوسۋعا تىيىم سالىنعان. سەبەبى ول ادامداردى قاتەرلى ىسىككە جانە دە زات الماسۋ ارەكەتىنە اۋىتقۋشىلىق تۋدىرادى. بۇل بۇرشاقتى قايناۋ كەزىندە ول ەزىلمەيدى، ال سۋدىڭ ءتۇسى ەرەكشە جاسىل تۇسكە بويالادى. سول سەبەپتى دە قىتايدان اكەلىنەتىن جاسىل بۇرشاقتان اۋلاق بولىڭىزدار.

دايىنداعان: نازەركە لابيحان