قازاقستان سيرياعا ءوز اسكەري قىزمەتشىلەرىن جىبەرۋ بويىنشا ەشكىممەن كەلىسسوزدەر جۇرگىزىپ جاتقان جوق، دەپ جازادى قامشى اقپاراتتىق اگەنتتىگى. بۇل تۋرالى ق ر سىرتقى ىستەر مينيسترلىگى حابارلادى.
«قازاقستان سيرياعا ءوز اسكەري قىزمەتشىلەرىن جىبەرۋ بويىنشا ەشكىممەن كەلىسسوزدەر جۇرگىزىپ جاتقان جوق. سيرياداعى ءتورت دەەسكالاسيا ايماقتارىنىڭ قاۋىپسىزدىگى مەن تيىمدىلىگى قالاي قامتاماسىز ەتىلەتىنى قازىرگى ۋاقىتتا استانا پروسەسىنىڭ كەپىلگەر-ەلدەرى قۇزىرىندا. ولار وسى جانە وزگە دە ماسەلەلەردى 4-5 شىلدە كۇندەرى قازاقستان استاناسىندا وتەتىن كەزەكتى كەزدەسۋ بارىسىندا تالقىلايتىن بولادى.
كەز كەلگەن جاعدايدا الەمنىڭ ءقايسىبىر قاقتىعىس وشاعىنا ءوز بىتىمگەرلەرىمىزدى جىبەرۋ مۇمكىندىگىن قاراستىرۋدىڭ ماڭىزدى قاعيداتتى شارتى - بۇۇ قاۋىپسىزدىك كەڭەسى قارارىنىڭ جانە وسى ۇيىمنىڭ ءتيىستى مانداتىنىڭ بولۋى»، - دەلىنگەن ق ر ءسىم-نىڭ باسپا ءسوز قىزمەتى تاراتقان حاباردا.
ايتا كەتەيىك، بۇعان دەيىن رەسەيلىك باق-تاردا رەسەي سيرياعا قازاقستان مەن قىرعىزستاننىڭ اسكەرلەرىن جىبەرۋ بويىنشا كەلىسسوزدەر وتكىزگەندىگى تۋرالى اقپارات جاريالانعان بولاتىن.
