ءقازىر جىل سايىن 400 مىڭنان ارتىق ءسابي دۇنيە ەسىگىن اشادى. حالقىمىز 1 شىلدەدە 18 ملن بولادى دەپ جاريالايمىن. بۇل تۋرالى تاۋەلسىزدىك سارايىندا ءوتىپ جاتقان دۇنيەجۇزى قازاقتارىنىڭ V قۇرىلتايىندا مەملەكەت باسشىسى نۇرسۇلتان نازاربايەۆ مالىمدەدى، دەپ حابارلايدى قامشى اقپاراتتىق اگەنتتىگى Baq.kz تىلشىسىنە سىلتەمە جاساپ.

ەلباسى الدىمەن تاۋەلسىزدىك العان تۇستا ەلدەگى دەموگرافيالىق جاعداي وتە اۋىر بولعانىن اتاپ ءوتتى.

«1991 جىلى مەن تاۋەلسىزدىك جاريالاعان كەزدە قازاقتىڭ ۇلەسى 40%-تەن اسار-اسپاس بولاتىن. سونداعى ويلانعان نارسە سايلاۋعا تۇسكەن كەزدە قانشا داۋىس الار ەدىم دەپ قينالدىم. ءقازىر قازاقتىڭ سانى 70% استى»، - دەدى ول.

كەيىن قازاقستان پرەزيدەنتى جاعدايدىڭ جاقسارا باستاعانىن العا تارتتى. ونىڭ ايتۋىنشا، 1 شىلدەدە حالىق سانى 18 ملن-عا جەتۋى مۇمكىن.

«تاۋەلسىزدىك العان كەزدە 17 ملن حالىق بولعان. دەگەنمەن ءتۇرلى تاريحي جاعدايعا بايلانىستى ەلىمىزگە قونىستانعان باسقا ۇلت وكىلدەرى وزدەرىنىڭ اتامەكەنىنە كوشىپ كەتىپ، 14 ملن بولىپ قالدىق. قۇدايعا شۇكىر، ءقازىر جاعدايدىڭ جاقسارۋىنا بايلانىستى ەلىمىزدەگى حالىق سانىنىڭ كوبەيۋى ارتىپ كەلەدى. ەگەردە باستاپقى كەزدە 200 مىڭنان استام بالا دۇنيەگە كەلەتىن بولسا، ءقازىر جىل سايىن 400 مىڭنان ارتىق ءسابي دۇنيە ەسىگىن اشادى. ءبىزدىڭ حالقىمىز 1 شىلدەدە 18 ملن بولادى دەپ جاريالايمىن»، - دەدى ەلباسى.

شولۋشى: گۇلىم جاقان