نۇرسۇلتان نازاربايەۆ تۇرىك رەسپۋبليكاسىنىڭ بۇرىنعى پرەزيدەنتى ابدۋللا گۇلمەن كەزدەستى دەپ حابارلايدى قامشى اقپاراتتىق اگەنتتىگى اقورداعا سىلتەمە جاساي وتىرىپ.

كەزدەسۋدە مەملەكەت باسشىسى قازاقستاننىڭ سوڭعى جىلدارى جەتكەن جەتىستىكتەرى مەن ەلىمىزدە ىسكە اسىرىلىپ جاتقان ماڭىزدى جوبالار جونىندە ايتتى.

– ءبىز شانحاي ىنتىماقتاستىق ۇيىمىنىڭ ءسامميتىن وتكىزدىك. ءقازىر استانادا «ەكسپو-2017» حالىقارالىق كورمەسى وتۋدە. وعان وزدەرىنىڭ ۇلتتىق پاۆيلوندارىن اشۋ ءۇشىن ءتۇرلى مەملەكەتتەردىڭ باسشىلارى كەلىپ جاتىر، – دەدى قازاقستان پرەزيدەنتى.

نۇرسۇلتان نازاربايەۆ تۇرىك رەسپۋبليكاسىنىڭ بۇرىنعى پرەزيدەنتىنىڭ ەكىجاقتى بايلانىستاردىڭ نىعايۋىنا زور ۇلەس قوسقانىن اتاپ ءوتىپ، ونىڭ قازاقستان حالقىنا دەگەن قۇرمەتى ءۇشىن ريزاشىلىق ءبىلدىردى.

ابدۋللا گۇل قازاقستاننىڭ حالىقارالىق قاۋىپسىزدىك پەن بەيبىتشىلىكتى نىعايتۋعا جۇمساعان  كۇش-جىگەرىنىڭ ماڭىزدى ەكەنىن ايتىپ، ەلىمىزدىڭ سيريا قاقتىعىسىن رەتتەۋدەگى قادامدارىن جوعارى باعالادى.

مەملەكەت باسشىسى تۇرىك رەسپۋبليكاسىنىڭ بۇرىنعى پرەزيدەنتىن «قازاقستان رەسپۋبليكاسىنىڭ تاۋەلسىزدىگىنە 25 جىل» مەرەيتويلىق مەدالىمەن ماراپاتتادى.

شولۋشى: اسەل بولات قىزى