اقش پرەزيدەنتى دونالد ترامپتىڭ قىزى وزىنە تاعىلعان ايىپقا قاتىستى كۋالىك بەرۋگە ءتيىس دەپ حابارلايدى قامشى اقپاراتتىق اگەنتتىگى شەتەلدىك باق-قا سىلتەمە جاساي وتىرىپ. يۆانكا ترامپ باسشىلىق ەتەتىن IT Collection LLC كومپانياعا باسقا اياق كيىم ساۋدا بەلگىسىنىڭ ديزاينىن كوشىرىپ الدى دەگەن ايىپ تاعىلدى. سوت نيۋ-يورك قالاسىندا بولعان.
الايدا يۆانكا ترامپ اق ۇيدەگى جۇمىستاردىڭ قاربالاستارىنا بايلانىستى قولى بوساماعاندىقتان كەلە الماعان. سوت كەترين فورەست ونىڭ قورعاۋشىسىنىڭ يۆانكانىڭ كەلە الماعاندىعىنا بايلانىستى ايتقان دالەلدەرىن قابىلدامادى.
سودان كەيىن سوت يۆانكا ترامپتىڭ جۇمىسىنا بايلانىستى، ول جۇمىس جاسايتىن ۆاشينگتون قالاسىندا كۋالىك بەرۋىنە رۇقسات ەتتى. يۆانكا قازان ايىنىڭ سوڭىنا دەيىن كۋالىك بەرۋى قاجەت.
ايتا كەتەتىن بولساق، يۆانكا ترامپ 2007 جىلدان بەرى Ivanka Trump اتتى ساۋدا بەلگىسىمەن اياق كيىم، كيىمدەر جانە اشەكەي بۇيىمدار شىعارادى.
اۋدارعان: اسەل بولات قىزى
پىكىر قالدىرۋ