قازاقستان پرەزيدەنتى جۇڭگو حالىق رەسپۋبليكاسىنىڭ ءتوراعاسى سي سزينپينگە كوڭىل ايتۋ جەدەلحاتىن جولدادى. بۇل تۋرالى قامشى اقپاراتتىق اگەنتتىگى اقوردا مالىمەتىنە سۇيەنىپ حابارلايدى.
مەملەكەت باسشىسى بيىلعى 24 ماۋسىمدا سىچۋان پروۆينسياسىنداعى لاي كوشكىنى سالدارىنان كوپتەگەن ادامنىڭ قازا بولعانى تۋرالى حاباردى زور كۇيزەلىسپەن قابىلدادى.
«وسىنداي اۋىر ساتتە قازاقستان حالقىنىڭ جانە جەكە ءوزىمنىڭ اتىمنان سىزگە، قازا بولعانداردىڭ وتباسىلارى مەن تۋعان-تۋىستارىنا كوڭىل ايتىپ، زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك بىلدىرەمىن»، – دەلىنگەن جەدەلحاتتا.
شولۋشى: ايگەرىم تاۋباي
پىكىر قالدىرۋ