بۇل كىسىلەر - ەڭ سوڭعى پايعامبارىمىز مۇحاممەدتىڭ (س.ع.س.) جەرلەنگەن بەيىتىنىڭ كىلتىن ساقتاپ جۇرگەن ادامدار، دەپ جازادى قامشى اقپاراتتىق اگەنتتىگى شەتەلدىك ب ا ق-قا سىلتەمە جاساپ.
ادەل قۇرايىشتىڭ «ساقتاۋشىلار» اتتى فوتوكورمەسى وتە مىندەتتى مويىندارىنا جۇكتەگەن ادامدارمەن تانىسۋىمىزعا مۇمكىندىك بەرەدى.
بۇل ءداستۇر ءحىى عاسىردان باستالعان. كىلتتى ساقتاۋشىلار ءماديناداعى مەشىتتىڭ جۇمىس كەستەسىنە دە جاۋاپتى بولادى. بەلگىلى بولعانداي، كىلتتى ساقتاۋشىلاردىڭ بارلىعى دا ەفيوپيا مەن ەريترەيا تۋمالارى.
فوتوگرافتىڭ ايتۋىنشا، بۇل كىسىلەرمەن جۇمىس ىستەۋ بارىسىندا سوزبەن ايتىپ جەتكىزە المايتىن سەزىمگە بولەنگەن. «ولاردىڭ قاسىندا بولعان كەزدە ءوزىڭىزدى جەڭىل سەزىنەسىز. ولار وتە سالماقتى، بايسالدى كىسىلەر. ولارمەن جۇمىس ىستەۋ كەزىندە بولمە ەرەكشە نۇرعا بولەنگەن ەدى»، - دەپ ءوز سەزىمىن جەتكىزەدى.
