حاباروۆسك تۇرعىنى اسىراپ العان بالالارىن بىرنەشە جىلدار بويى زورلاپ كەلگەن. ولاردىڭ وتباسىندا 9 بالا تاربيەلەنگەن، دەپ حابارلايدى قامشى اقپاراتتىق اگەنتتىگى Dni.ru سايتىنا سىلتەمە جاساپ.

رەسەيلىك تەرگەۋ كوميتەتىنىڭ دەرەگىنە سايكەس، ەر ادام بالالاردى اياۋسىز زورلاپ، وتە اۋىر قىلمىسقا بارعان. ەڭ سوراقىسى بۇل جاعداي 2012 جىلدىڭ قىركۇيەگىنەن باستاپ 2017 جىلعا دەيىن جالعاسىپ كەلگەن. كۇدىكتىگە قاتىستى «زورلاۋ» بابىمەن قىلمىستىق ءىس قوزعالىپ، تۇتقىندالدى.

«ول اتالعان ۋاقىت ارالىعىندا بالالاردى 729 رەت زورلاعان»، - دەپ مالىمدەدى قۇزىرلى ورگان وكىلدەرى.

«قولداعى دەرەكتەرگە سايكەس، ولار بارلىعى ءبىر پاتەردە تۇرعان. ال جەتىم بالالرعا كومەك رەتىندە بەرىلەتىن قارجىعا باسقا پاتەر جالداپ، سول جەردە قىزداردى زورلاعان»، - دەيدى تەرگەۋ كوميتەتىنىڭ ءتوراعاسى يگور كوميسساروۆ. بۇل وتباسى كوپ بالالى جانۇياعا جاتقانى بەلگىلى. اسىراپ العان بالالاردان بولەك بۇل وتباسىلىق جۇپتىڭ وزدەرىنىڭ دە بالالارى بولعان، جالپى سانى – 9 بالا.

«قازىرگى تاڭدا بالالار قايتادان جەتىمدەر ۇيىنە جىبەرىلدى. بارلىق كەرەكتى شارالار قولدانىلىپ، ءزابىر كورگەن بۇلدىرشىندەرمەن ارنايى پسيحولوگ ماماندار جۇمىس ىستەۋدە»، - دەپ مالىمدەدى بالا اسىراپ الۋ باسشىلىعىنىڭ ديرەكتورى تاتيانا جيگاريەۆا.

شوۋلشى: نازەركە لابيحان