جانتۇرشىگەرلىك جول كولىك وقيعاسى الماتى قالاسىندا ناۋرىزباي باتىر كوشەسىندە ورىن الدى. بۇل تۋرالى قامشى اقپاراتتىق اگەنتتىگى newtimes.kz-كە سىلتەمە جاساپ حابارلايدى.

كۋاگەرلەردىڭ ايتۋىنشا، وقيعا 26 ماۋسىم كۇنى ورىن العان. جاس قىز جاياۋ جۇرگىنشى جولىنان الدەقايدا جوعارى ءجۇرىپ وتپەك بولىپ، كولىك دوڭگەلەگىنىڭ استىنا ءتۇستى.

«كولىك جۇرگىزۋشىسى باعدارشامنىڭ جاسىل ءتۇسى جانعانىنا قاراماستان قاراما-قارسى جاقتان كەلە جاتقان كولىككە جول بەرمەدى. قالىپتى جىلدامدىقپەن ناۋرىزباي باتىر كوشەسىنە ءتۇستى. ال زارداپ شەككەن قىز جاياۋ جۇرگىنشىگە ارنالعان سىزىقتى جولدان 4 مەتر جوعارى جەردەن جۇگىرىپ شىعا كەلدى. كولىك سوققىسىنان قىزدىڭ دەنەسى 1،5 مەترگە بيىكتىككە لاقتىرىلدى» دەپ حابارلادى وقيعا كۋاگەرى.

زارداپ شەككەن قىز 3 مينۋتتان سوڭ ەسىن جيىپ، جەدەل جاردەم الىپ كەتكەن.

شولۋشى: ايگەرىم تاۋباي