برازيليا پرەزيدەنتى ميشەل تەمەر جەمقورلىق ءۇشىن ايىپتالۋدا. مەملەكەتتىڭ باس پروكۋرورى رودريگۋ جانو تاريحتا ءبىرىنشى رەت جوعارعى سوتتى بيلىكتەگى پرەزيدەنتكە ايىپ تاعۋدى سۇراعان. بۇل تۋرالى قامشى اقپاراتتىق اگەنتتىگى bbc.com-عا سىلتەمە جاساپ حابارلايدى.
تەمەر ءىرى ەت شىعاراتىن كاسىپورىننىڭ جەتەكشىسىنەن قوماقتى قارجى العان دەپ ايىپتالۋدا.
باس پروكۋراتۋرانىڭ برازيليا پرەزيدەنتىنە قاتىستى ايىبى جوعارعى سوتقا جىبەرلىپ ءىستىڭ پارلامەنتكە ءوتۋ ماسەلەسى قاراستىرىلۋدا. برازيليا زاڭناماسىنا سايكەس ەگەر پارلامەنت پرەزيدەنتكە قارسى داۋىس بەرسە ول 180 كۇنگە ءوز ورنىنان بوساتىلادى. ەگەر اتالعان ۋاقىت ىشىندە تەمەر كىنالى دەپ تابىلسا ول ءوز پرەزيدەنتتىك ورنىن بوساتادى. تەمەر ءوز كەزەگىندە ءوزىنىڭ كىناسىز ەكەندىگىن دالەلدەۋگە ۋادە بەردى.
شولۋشى: نازەركە مۇسا
