فەيسبۋك الەۋمەتتىك جەلىسىنىڭ نەگىزىن سالۋشى مارك سۋكەربەرگ جەلىنى قولدانۋشىلاردىڭ سانى 2 ميللياردقا جەتتى دەپ مالىمدەدى. بۇل تۋرالى قامشى اقپاراتتىق اگەنتتىگى ريا نوۆوستي-عا سىلتەمە جاساپ حابارلايدى.
«بۇگىن تاڭەرتەڭگى ەسەپ بويىنشا فەيسبۋك جەلىسىن قولدانۋشىلار سانى 2 ملرد-قا جەتتى! ءبىز ادامداردى توپتاستىرا وتىرىپ جەتىستىككە جەتتىك، ەندى الەمدەگى ادامداردىڭ بىر-بىرىنە جاقىنداسۋىنا مۇمكىندىك جاسايىق. وسى جولدا سىزدەرمەن بىرگە بولۋ مەن ءۇشىن ۇلكەن باقىت»- دەپ جازادى ول ءوزىنىڭ پاراقشاسىندا.
مارك سۋكەربەرگ فەيسبۋك الەۋمەتتىك جەلىسىنىڭ نەگىزىن 2004 جىلى 19 جاسىندا قالاعان. باستاپقىدا جەلى تەك گارۆارد ستۋدەنتتەرىنە عانا ارنالدى. تەك 2006 جىلدان باستاپ ول الەم ساحناسىنا شىققان بولاتىن.
شولۋشى: نازەركە مۇسا
