دۇنيەجۇزى قازاقتارىنىڭ V قۇرىلتايىندا گەرمانيادان كەلگەن قانداسىمىز ءومىرحان التىننىڭ مىنبەردەن سويلەگەن ءسوزىن ەۋروپا نازارعا الدى دەپ جازادى Qamshy.kz.
ءومىرحان التىننىڭ قۇرىلتاي مىنبەرىندەگى سوزىنە گەرمانيا ساياساتكەرلەرى نازار اۋدارعان.
(MARGARETE BAUSE)
باۆاريا پارلامەنتىنىڭ ادام قۇقىقتارى سالاسىنداعى بەلگىلى مۇشەلەرىنىڭ ءبىرى، جاسىلدار پارتياسىنىڭ دەپۋتاتى Margarete Bause حانىمنىڭ جەكە كەڭەسشىسى Helga Iding حانىم 27.06.2017 كۇنى ءومىرحان التىنمەن پارلامەنت ۇيىندە شۇعىل تۇردە كەزدەسىپ، قىتايدىڭ قازاقتارى تاپ بولىپ جاتقان زاڭ بۇزۋشىلىقتار مەن قىسىم-قۋدالاۋلار تۋرالى مالىمەتتەر سۇراپ، الداعى ۋاقىتتا بۇل ماسەلەگە جالپى گەرمانياداعى، ەۋروپاداعى ادام قۇقىقتارىن قورعاۋشىلار رەتىندە باسا نازار اۋداراتىندىقتارىن ءمالىم ەتتى.
ەسكە سالا كەتسەك، دۇنيەجۇزى قازاقتارىنىڭ V قۇرىلتايىندا قانداسىمىز ءومىرحان التىن كەزەكتەن تىس مىنبەرگە شىعىپ ءسوز سويلەپ، شىڭجاڭداعى ەتنيكالىق قازاقتاردىڭ جاعدايىنا ەلباسىنىڭ ءمان بەرۋىن سۇراعان بولاتىن.
قازاقستان پرەزيدەنتى نۇرسۇلتان نازاربايەۆ ول تۋرالى بەيحابار ەكەنىن ايتىپ، سىرتقى ىستەر مينيسترلىگىنە تاپسىرما بەرۋگە ۋادە ەتكەن ەدى.
