قۇرمەتتى ونەرسۇيەر قاۋىم! سىزدەردى زاماناۋي قازاق كەسكىندەمە ونەرىنىڭ جارقىن وكىلى، ءابىلحان قاستەيەۆ اتىنداعى ۇلتتىق ونەر مۋزەيىنىڭ التىن قورىنا تۋىندىلارى ەنگەن بەلگىلى سۋرەتشى ءارى تاجىريبەلى ۇستاز ومارحان قۇماردىڭ «ۇلى رۋح» اتتى جەكە كورمەسىن تاماشالاۋعا شاقىرامىز. ءوز شىعارماشىلىعىندا ءداستۇرلى رەاليستىك مەكتەپ پەن جاڭاشا ىزدەنىستەردى توعىستىرعان قىلقالام شەبەرىنىڭ بۇل كەشى – ناعىز جوعارى دەڭگەيدەگى رۋحاني ءىس-شارا بولماق.

كورمەنىڭ باستى ەرەكشەلىگى – ۇلت قايراتكەرلەرى مەن باتىرلاردىڭ بىرەگەي پورترەتتەر گالەرەياسى. مۇندا جوشى حان، سۇلتان بەيبارىس، باۋىرجان مومىش ۇلى سىندى تاريحي تۇلعالاردىڭ اسقاق رۋحىمەن قاتار، سۋرەتشىنىڭ جاقىندارىنا دەگەن ىستىق ىقىلاسىنان تۋعان ليريكالىق وتباسىلىق بەينەلەر مەن قازاق دالاسىنىڭ سۇلۋلىعىن پاش ەتەتىن تابيعات ەتيۋدتەرى دە كورەرمەن نازارىنا ۇسىنىلادى.
تۇڭعيىق وي مەن شىنايى سەزىم ۇيالاتاتىن ەرەكشە اتموسفەرانى جىبەرىپ الماي، ونەر كەشىنىڭ قوناعى بولىڭىزدار! كورمە 2026 جىلدىڭ 11 ماۋسىم كۇنى ساعات 16:00-دە ءابىلحان قاستەيەۆ اتىنداعى ق ر ۇلتتىق ونەر مۋزەيىندە اشىلادى. مەكەنجايىمىز: الماتى قالاسى، كوكتەم-3 شاعىن اۋدانى، 22/1.  ونەرمەن بىرگە تىنىستايىق!