مەرەي ابزالبەكوۆ الماتى قالاسى ىشكى ساياسات باسقارماسىنىڭ باسشىسى بولىپ تاعايىندالدى

مەرەي ياگۋد ۇلى ابزالبەكوۆ 1982 جىلعى 25 ماۋسىمدا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن «تاريح» ماماندىعى بويىنشا بىتىرگەن، تاريح ماگيسترى.

م. ابزالبەكوۆ ەڭبەك جولىن الماتى قالاسىنداعى ءا.ح. مارعۇلان اتىنداعى ارحەولوگيا ينستيتۋتىنىڭ جەتەكشى ينجەنەرى بولىپ باستاپ، قونايەۆ (قاپشاعاي) قالاسىنداعى №32363 اسكەري بولىمىندە وفيسەرلىك قۇرامدا قىزمەت ەتكەن.

جاستار ساياساتى سالاسىندا دا بەلسەندى قىزمەت اتقاردى:

 • الماتى قالاسى جاستار ساياساتىن دامىتۋ جونىندەگى مەملەكەتتىك قورى ديرەكتورىنىڭ ورىنباسارى؛

• الماتى قالاسى جاستار ساياساتى ماسەلەلەرى جونىندەگى باسقارماسىنىڭ جاستار جوبالارى جانە شىعارماشىلىق باستامالار ءبولىمىنىڭ باسشىسى، باسشىنىڭ مىندەتىن اتقارۋشى لاۋازىمدارىن اتقاردى. 

الماتى قالاسى اكىمى اپپاراتىنىڭ قۇرىلىمىندا:

• حاتتاما، نورماتيۆتىك قۇقىقتىق اكتىلەردى تىركەۋ جانە رەسىمدەۋ ءبولىمىنىڭ باس مامانى؛

• الەۋمەتتىك-مادەني سالا ءبولىمىنىڭ باسشىسى؛

• قوعامدىق دامۋ ءبولىمىنىڭ باسشىسى بولىپ جۇمىس ىستەدى.

2023 جىلدىڭ ءساۋىر ايىنان باستاپ وسى ۋاقىتقا دەيىن الماتى قالاسى اكىمى اپپاراتى باسشىسىنىڭ ورىنباسارى قىزمەتىن اتقارىپ كەلدى.

ەسكە سالا كەتەيىك، الماتى قالاسى ىشكى ساياسات باسقارماسىنىڭ بۇرىنعى باسشىسى ايدار راحىمجان ۇلى ەسەنبەكوۆ (بۇل لاۋازىمعا 2024 جىلدىڭ قاڭتارىندا تاعايىندالعان بولاتىن) 2026 جىلدىڭ مامىر ايىنىڭ سوڭىندا الماتى قالاسىنىڭ قوعامدىق دامۋ ورتالىعىنىڭ باسشىسى بولىپ تاعايىندالدى.