يسپان ءتىلدى «El Patriota» گازەتى جاقىندا عانا ەرەكشە ادامعا ارنالعان ادام سەنگىسىز اقپارات جاريالادى. ادولف گيتلەر ءتىرى ەكەن.

ءيا، ءيا... ارگەنتينانىڭ 128 جاستاعى تۇرعىنى، نەمىس ەميگرانتى ءوزىن ناعىز ادولف گيتلەرمىن دەپ الەمگە جار سالدى، دەپ جازادى قامشى اقپاراتتىق اگەنتتىگى.

ءوزىن بۇرىنعى نەمىس ديكتاتورىمىن دەپ سەندىرگىسى كەلەتىن ەر ادامنىڭ ەسىمى گەرمان گۋتەنبەرگ. ول سوڭعى 70 جىلدا موينىنا ارتىلعان قىلمىستارعا قاتىستى وزگە ەسىممەن جاسىرىنىپ كەلگەنىن ايتادى. ەكىنشى دۇنيجۇزىلىك سوعىس كەزىندەگى اسكەري قىلىمسكەرلەردى ىزدەۋ دوعارىلعان سوڭ قاريا ءوزىنىڭ شىن مانىسىندە كىم ەكەنىن مويىنداماق بولعان.

ونىڭ ۇستىنە، ەر ادام وزىنە تاعىلعان ايىپتاردى مويىندامايتىن كورىنەدى. سوعىستا جەڭىسكە جەتكەندە، جاعداي مۇلدەم باسقاشا بولاتىندىعىن ايتتى. سونداي-اق، ناعىز ادولف گيتلەردىڭ، ياعني «ءوزىنىڭ» ەلگە بەيمالىم اقپاراتتارىن جيناستىرىپ، اۆتوبيوگرافيا جازۋدى نيەت ەتىپ وتىر ەكەن.

الايدا جاسى كەلگەن ادام دەمەنسياعا شىلداققاندىقتان ادامدار وعان سەنۋدەن اۋلاق. ءتىپتى 55 جىل وتاسقان ايەلى انگەلا مارتينەزدىڭ ءوزى سەنبەيدى ەكەن.

ايەلىنىڭ ايتۋىنشا، كۇيەۋىنىڭ اسكەري قىلمىستارعا قاتىسى بار، الايدا ادولف گيتلەر ەمەس ەكەنىنە ول نىق سەنىمدى. ونىڭ ۇستىنە، گەرمان گۋتەنبەرگ السگەيمەر اۋرۋىنا شالدىققانىن، بۇل ۋاقىتقا دەيىن اۋزىنان ادولف گيتلەرمىن دەگەن ءسوزدى مۇلدەم ەستىمەگەنىن ايتتى.

ايتا كەتەيىك، ەل اراسىندا گيتلەر جايىندا تاراعان اڭىز كوپ. بازبىرەۋلەر گيتلەر سوعىس بىتەر ساتتە ۇشاقپەن انتاركتيداعا قاشىپ كەتكەن دەسەدى. فيۋرەر سوندا ەۆا براۋن ەكەۋى  20 جىل باقىتتى عۇمىر كەشىپتى-مىس. جو-جوق، گيتلەر 1945 جىلدىڭ مامىرىندا سۇڭگۋىر قايىقپەن ارگەنتيناعا كەتكەن. سوندا ول ارگەنتينالىق ناسيستەرمەن بىرگە ءومىر ءسۇرىپ، 1964 جىلى قايتىس بولعان. انىق-قانىعى بەلگىسىز وسىنداي مالىمەتتەر ەكىنشى دۇنيەجۇزىلىك سوعىستىڭ تاريحىن زەرتتەۋشىلەردىڭ  باسىن قاتىرا باستادى. سەبەبى گيتلەر 1945 جىلى ءوزىن-وزى ءولتىردى دەگەنگە كۇمان كەلتىرەتىن ءبىرقاتار فاكتىلەر بار، ال  ءتىرى دەۋگە  دالەل جوق.  ءبىراق، جەل تۇرماسا ءشوپتىڭ باسى قيمىلدامايتىنى تاعى بار.

شولۋشى: گۇلىم جاقان