ەلباسىمىزدىڭ جارلىعىنا سايكەس ماۋسىم ايىندا  ق ر پارلامەنتى سەناتىنىڭ دەپۋتتارىن سايلاۋ ءوتتى. سەناتتىڭ 16 دەپۋتاتتىق مانداتىنا 38 ۇمىتكەر تىركەلدى. سەنات دەپۋتاتتارىن سايلاۋ اياقتالىپ، قورىتىندىسى جاريالاندى.

وسى تۇستا سەنات دەپۋتتارىن سايلاۋى تۋرالى،   حالىقتىڭ ەلىمىزدە ورىن الىپ جاتقان ساياسي جاڭالىقتارمەن قانشالىقتى تانىس ەكەنىن ءبىلۋ ءۇشىن قامشى اقپاراتتىق اگەنتتىگىنىڭ ءجۋرناليسى الماتى قالاسىنىڭ تۇرعىندارى اراسىندا ساۋالناما جۇرگىزدى. ايتا كەتسەك، ساۋالناماعا ءارتۇرلى جاستاعى 35 ادام قاتىستى. ونىڭ ىشىندە 4 ادام ءجۋرناليستىڭ ساۋالىنا جاۋاپ بەرۋدەن باس تارتتى. 

 جۇرگىزىلگەن ساۋالناما ناتيجەسىندە 35 ادامنان 4 تۇرعىنى عانا ەلدەگى ساياسي جاڭالىقتان حاباردار بولىپ شىقتى. اتالعان 4 تۇرعىننىڭ ءوزى سەنات سايلاۋىنىڭ وتكەلى جاتقانىن تەلەديداردان كورگەندەرىن ايتتى. الايدا كىم سايلاندى، سايلاۋ قالاي جۇرگىزىلىپ جاتقانىنا ەش قىزىعۋشىلىق تانىتپاعاندارىن جەتكىزدى.

61 جاستاعى زەينەتكەر: "بىرنەشە كۇن بۇرىن تەلەديداردان وسى جاڭالىقتى ەستىدىم. الايدا بەلگىلى ءبىر سەبەپتەرمەن سايلاۋدىڭ قالاي جۇرگىزىلىپ جاتقانىن قاراۋعا مۇمكىندىگىم بولمادى. ەلدەگى ساياسي جاڭالىقتارعا قىزىعۋشىلىعىم ەرەكشە، بارلىق جاڭالىقتاردى ۇزبەي قاراۋعا تىرىسامىن. ەلىمىزدەگى دەپۋتتاردىڭ سايلاۋى ەل ءۇشىن اسا ماڭىزدى ساياسي جاڭالىق" دەگەن پىكىر ايتتى. 

54 جاستاعى الماتى قالاسىنىڭ تۇرعىنى سەنات دەپۋتاتتارىن سايلاۋ 28 ماۋسىم كۇنى وتكىزىلگەنىن ايتىپ، سايلاۋدان وتەتىن ادامداردىڭ بارلىعى الدىن-الا بەلگىلى بولادى دەگەن پىكىر ايتتى.  ونىڭ سەبەبى سەنات دەپۋتاتتارىن ءماسليحاتتا سايلايدى،  حالىقتىڭ تاڭداۋىنا سالمايتىنىن تىلگە تيەك ەتتى.

50 جاستان اسقان تۇرعىندار عانا ەلدەگى ساياسي جاڭالىقتارمەن سالىستىرمالى تۇردە ءبىرشاما  تانىس بولىپ شىقتى. ارينە، كوپكە توپىراق شاشپايمىز، الايدا تۇرعىنداردىڭ اراسىندا جۇمىستى سىلتاۋ ەتىپ، جاڭالىق قاراۋعا ۋاقىتتارى جەتپەيتىندەرىن ايتقاندار دا تابىلدى.

ساۋدا ورتالىعىندا كۇزەتشى بولىپ قىزمەت اتقاراتىن 25 جاستاعى ەر ادام "مەن ساياساتقا قىزىعامىن. ەكسپو-نىڭ جاڭالىقتارىن قارايمىن. كۇنى كەشە ورىن العان كازارماداعى بالانىڭ اۋىر جاعدايىمەن دە تانىسپىن. الايدا سەنات دەپۋتتاتتارىنىڭ قالاي ، قاشان  سايلانىپ جاتقانىن، كىمدەردىڭ داۋىس بەرىپ جاتقانىن بىلمەيمىن" دەگەن پىكىر ايتتى. 

ال 20 مەن 30 جاس اراسىنداعى جاستار قاربالاس تىرشىلىگىن ايتىپ، ساياساتتان حابارسىز ەكەندەرىن ايتتى. ولاردىڭ اراسىندا سەنات دەپۋتاتتارىنىڭ قانداي ىسپەن اينالىساتىنىن بىلمەيتىندەر دە بار.

"سەنات دەپۋتاتارىنىڭ سايلاۋى جايلى جاڭالىقتاردان كورگەنمىن، ءبىراق ولاردىڭ ءتىپتى قانداي ىسپەن اينالىساتىنىن دا بىلمەيمىن" دەپ قىسقا جاۋاپ بەردى 20 جاستاعى ستۋدەنت قىز. 

حالىقتىڭ باسىم كوپشىلىگى ، ونىڭ ىشىندە ايەلدەر قاۋىمى ءجۋرناليستىڭ ساۋالىنا جاۋاپ بەرۋدەن باس تارتتى. ونىڭ سەبەبىن قاراپايىم حالىق سەنات دەپۋتاتتارىن سايلاۋدان ەشقانداي زيان شەگىپ وتىرعان جوق دەپ تۇسىندىك. ايتارى بولماعان تۇرعىندار ەلدەگى ساياسي جاڭالىقتان بەيحابار ەكەندەرىن قالىپتى دەپ سانايتىندارىن جەتكىزدى.  ال كوشەدە قۇلاققاپ تاعىپ، جان-جاعىنداعى الەمنەن بولەكتەنىپ جۇرگەندەر كوپتەپ كەزدەسەدى.

«سەنات دەپۋتتاتتارىنىڭ جاڭادان سايلانۋى ەشقانداي ەلگە وزگەرىس اكەلىپ جاتقان جوق، ولاردىڭ بارلىعى ورىستاعى  «سپياششايا سارستۆا» سەكىلدى»  دەپ وتكىر پىكىر  ايتتى 50 جاستاعى دارىگەر بولىپ قىزمەت اتقاراتىن الماتىلىق تۇرعىن.

ال سەنات دەپۋتاتتارىنىڭ جاڭادان سايلانۋى، باسقا دا ساياسي جاڭالىقتاردان بەيحابار  30 جاستاعى ەر ادام : "بىزدە ءبارى جاقسى. دەپۋتاتتاردىڭ سايلانۋى دا جاقسى. ءبىز سەكىلدى قاراپايىم حالىق ءۇشىن ەلدەگى تىنىشتىق پەن بەرەكە ساقتالۋى ءبىرىنشى ورىندا " دەپ ءوزىنىڭ جۇرەكجاردى تىلەگىن دە ءبىلدىردى. 

قورىتا كەلگەندە، حالىقتىڭ باسىم كوپشىلىگى سەنات دەپۋتاتتارىن سايلاۋ تۋرالى جاڭالىقپەن تانىس ەمەس. دەپۋتاتتاردىڭ قانداي قىزمەت اتقاراتىنىن بىلمەسە دە، ولاردىڭ ەڭبەگىنە كوڭىلى تولمايتىندار دا تابىلدى. سونىمەن قوسا وتكىر سىننىڭ استىنا العاندار دا بار.  ال حالىقتىڭ ەلىمىزدە بولىپ جاقان سوڭعى ساياسي وزگەرىستەردەن حاباردار بولماۋى تىرشىلىك ءۇشىن جاسالىپ جاتقان قاربالاس جۇمىستان با، الدە حالىق اراسىندا دۇرىس ناسيحاتالماۋ سالدارىنان با ول جاعى بەيمالىم...

ساۋالناما جۇرگىزۋ بارىسىندا قازاقستان تۇرعىندارىنىڭ ەلدە ورىن الىپ جاتقان ەلەۋلى وزگەرىستەرگە، ساياسي جاڭالىقتارعا نەمقۇرايلى قارايتىندارىن بايقادىق. 

ساۋالنامانى جۇرگىزگەن : ايگەرىم تاۋباي