«قازكوممەرسبانك» اق ديرەكتورلار كەڭەسى 2017 جىلعى 28 ماۋسىمدا وتكەن وتىرىسىندا بانك اكسيونەرلەرىنىڭ كەزەكتەن تىس جالپى جينالىسىن شاقىرتۋ تۋرالى شەشىم قابىلدادى، دەپ جازادى قامشى اقپاراتتىق اگەنتتىگى بانكتىڭ باسپا ءسوز قىزمەتىنە سىلتەمە جاساپ.

بانك اكسيونەرلەرىنىڭ كەزەكتەن تىس جالپى جينالىسى 2017 جىلعى 31 شىلدەدە الماتى ۋاقىتى بويىنشا 11 ساعات 00 مينۋتتا، الماتى ق.، ءال-فارابي داڭع.، 34ا مەكەنجايى بويىنشا وتەدى. بانك اكسيونەرلەرىن تىركەۋ ءراسىمى 2017 جىلعى 31 شىلدەدە 10 ساعات 30 مينۋتتا باستالادى. اكسيونەرلەردىڭ كەزەكتەن تىس جالپى جينالىسى وتكىزىلمەگەن دەپ تانىلعان جاعدايدا، جينالىس 2017 جىلعى 1 تامىزدا 11 ساعات 00 مينۋتتا الماتى ق.، ءال-فارابي داڭع.، 34ا مەكەنجايى بويىنشا قايتا وتكىزىلەدى. بانك اكسيونەرلەرىنىڭ كەزەكتەن تىس جالپى جينالىسىنا قاتىسۋ قۇقىعى بار اكسيونەرلەردىڭ ءتىزىمى 2017 جىلعى 30 ماۋسىمدا بانكتىڭ اكسيا ۇستاۋشىلارىنىڭ ءتىزىلىم جۇيەسىندەگى دەرەكتەر نەگىزىندە قۇرىلادى.

اكسيونەرلەردىڭ كەزەكتەن تىس جالپى جينالىسىنىڭ كۇن ءتارتىبى:

«كازكوممەرسبانك» اق اكسيونەرلەرىنىڭ كەزەكتەن تىس جالپى جينالىستىڭ كۇن ءتارتىبىن بەكىتۋ؛

«كازكوممەرسبانك» اق ديرەكتورلار كەڭەسى مۇشەلەرىنىڭ وكىلەتتىلىگىن مەرزىمىنەن بۇرىن توقتاتۋ؛

«كازكوممەرسبانك» اق ديرەكتورلار كەڭەسى مۇشەلەرى قۇرامىنىڭ كولەمىن انىقتاۋ؛

«كازكوممەرسبانك» اق ديرەكتورلار كەڭەسى مۇشەلەرى وكىلەتتىلىگىنىڭ مەرزىمىن انىقتاۋ؛

«كازكوممەرسبانك» اق ديرەكتورلار كەڭەسى مۇشەلەرىن سايلاۋ؛

 «كازكوممەرسبانك» اق ديرەكتورلار كەڭەسىنىڭ مۇشەلەرىنە سىياقى مەن وتەماقى كولەمىن جانە ونى تولەۋ شارتتارىن انىقتاۋ؛

اكسيونەرلەردىڭ كەزەكتەن تىس جالپى جينالىسىنىڭ كۇن تارتىبىندەگى ماسەلەلەر بويىنشا ماتەريالدار، الماتى ق.، ءال-فارابي داڭع.، 34ا، 313 كابينەت، تەلەفونى +7 (727) 2 585 221  مەكەنجايى بويىنشا جينالىس وتكىزىلەتىن كۇننەن ون كۇن بۇرىن اكسيونەرلەرگە تانىسۋ ءۇشىن ۇسىنىلادى.

بانكتىڭ جاي اكسيالارى نەگىزگى اكتيۆى بولىپ تابىلاتىن دەپوزيتارلىق قولحات ۇستاۋشى -اكسيونەرلەر بانك اكسيونەرلەرىنىڭ كەزەكتەن تىس جالپى جينالىسىنا قاتىسۋ ءۇشىن 2017 جىلعى 25 شىلدەگە دەيىن The Bank of New York-كە تومەندەگى مالىمەتتەردى ۇسىنۋلارى قاجەت:

مەنشىك يەسى — جەكە تۇلعانىڭ ءاتى-جونى / مەنشىك يەسى — زاڭدى تۇلعانىڭ اتاۋى؛

اكسيالاردىڭ مەنشىك يەسىنىڭ ازاماتتىعى / تىركەلگەن ەلى، اكسيالاردىڭ مەنشىك يەسىنىڭ جەكە باسىن كۋالاندىراتىن قۇجاتىنىڭ اتاۋى مەن دەرەكتەمەلەرى؛

مەنشىك يەسىنە تيەسىلى اكسيالار سانى؛

بانك اكسيونەرلەرىنىڭ كەزەكتەن تىس جالپى جينالىسىنا ونىڭ اتىنان قاتىسۋعا جانە كۇن تارتىبىندەگى ماسەلەلەر بويىنشا داۋىس بەرۋگە ۋاكىلەتتى ەتەتىن ءوز وكىلىنە بەرىلگەن سەنىمحات.

بانك اكسيونەرلەرگە تومەندەگى تۋرالى قوسىمشا حابارلايدى:

قازاقستاننىڭ ورتالىق دەپوزيتارييدى ەسەپكە الۋ جۇيەسىندە جوق، مەنشىك يەسىنە تيەسىلى جانە ونىڭ نومينالدى ۇستاۋىنداعى اكسيالار «اكسيونەرلىك قوعامدار تۋرالى» زاڭعا سايكەس داۋىس بەرۋشى بولىپ سانالمايدى.

«قازاقستان رەسپۋبليكاسىنداعى بانكتەر جانە بانكتىك قىزمەت تۋرالى» قازاقستان رەسپۋبليكاسى زاڭىنىڭ 17-بابى 5 جانە 5-1 تارماقتارىنا سايكەس، قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ 2008 جىلعى 02 قازانداعى №145 قاۋلىسىمەن بەكىتىلگەن، بانكتىك جانە ساقتاندىرۋ قىزمەتى، باعالى قاعازدار نارىعىنىڭ كاسىبي قاتىسۋشىلارىنىڭ قىزمەتى جانە باعالى قاعازدار نارىعىنداعى باسقا دا ليسەنزيالاناتىن قىزمەت تۇرلەرى ماقساتىندا، جيناقتاۋشى زەينەتاقى قورلارىنىڭ قىزمەتى مەن اكسيونەرلىك ينۆەستيسيالىق قورلاردىڭ قىزمەتى ماقساتىندا، وففشورلىق ايماقتار تىزىمىنە ەنەتىن، وففشورلىق ايماقتاردا تىركەلگەن زاڭدى تۇلعالار نەمەسە وففشورلىق ايماقتاردا تىركەلگەن ۇلەستەس تۇلعالارى بار زاڭدى تۇلعالار نەمەسە  وففشورلىق ايماقتاردا تىركەلگەن زاڭدى تۇلعالاردىڭ قاتىسۋشىلارى (قۇرىلتايشىلارى، اكسيونەرلەرى) بولىپ تابىلاتىن جەكە تۇلعالار بانك اكسيونەرلەرىنىڭ جالپى جينالىسىنا قاتىسۋعا جىبەرىلمەيدى.