وبلىس اكىمىنىڭ ورىنباسارى جاقسىلىق وماردىڭ توراعالىعىمەن كوورديناسيالىق كەڭەستىڭ مۇگەدەكتەر ماسەلەلەرى جونىندەگى كەزەكتى وتىرىسى ءوتتى. جينالىس بارىسىندا وبلىستىق جۇمىسپەن قامتۋ جانە الەۋمەتتىك باعدارلامالار باسقارماسىنىڭ جەتەكشىسى ز.ءىلىمجانوۆا نەگىزگى بايانداماسىن وقىپ، مۇگەدەكتەردىڭ قۇقىعى جونىندەگى كونۆەنسيانىڭ قاۋلىسىنىڭ ورىندالۋ بارىسى جايلى حابارلادى، - دەپ حابارلايدى قامشى اقپاراتتىق اگەنتتىگى Tengrinews.kz سايتىنا سىلتەمە جاساپ.
بايانداماشىنىڭ ايتۋىنشا، ستاتيستيكالىق مالىمەتتەرگە قاراعاندا، وبلىستا مۇمكىندىگى شەكتەۋلى 61،1 مىڭ ادام تۇرادى. ولاردىڭ 53 پايىزى نەمەسە 32،4 مىڭى 1-2 توپتاعى مۇگەدەكتىگى بار ادامدار، 7،1 مىڭ ادام نەمەسە 11،7 پايىزى مۇگەدەك بالالار. مۇمكىندىگى شەكتەۋلى ادامدارعا ءتۇرلى رەابيليتاسيالىق جانە قولداۋ شارالارىن كورسەتۋ ماقساتىندا جىل سايىن بيۋدجەتتەن قاراجات بولىنەدى. ماسەلەن، 2016 جىلمەن سالىستىرعاندا 2017 جىلى مۇدەگەكتەردىڭ رەابيليتاسياسىنا بولىنەتىن قاراجات سوماسى ەكى ەسەگە ءوستى - بۇل 2،8 ميلليارد تەڭگە. 2012-2014 جىلدارى ارالىعىندا مۇگەدەكتەرگە شەكتەۋسىز ورتا جاساۋ ماقساتىندا الەۋمەتتىك ينفراقۇرىلىمنىڭ 2117 نىسانى پاسپورتتاندىرىلدى. ولاردىڭ ءبىرىنشى كەزەكتەگى وڭدەۋگە جاتاتىن 400-ىنە وبلىس بيۋدجەتىنەن 266،0 ميلليون تەڭگە ءبولىندى. ولاردىڭ 40-ى بيىل اداپتاسيالانادى. 2017 جىلدىڭ 1 ماۋسىمىنداعى جاعدايى 375 نىساندا اداپتاسيا تولىقتاي جۇزەگە اسىرىلدى، بۇل 93،8 پايىز. ز.ءىلىمجانوۆا ءسوز سويلەۋ بارىسىندا مۇگەدەكتەردى جۇمىسپەن قامتۋ، سۋردواۋدارما ماماندارىنىڭ قاجەتتىلىگى، سونداي-اق، مۇگەدەكتەردەن ءتۇسىپ جاتقان شاعىمدارمەن جۇمىس ىستەۋ بارىسى تۋرالى ماسەلەلەردى ايتىپ بەردى.
وسىدان كەيىن ءسوز "نۇر وتان" پارتياسىنىڭ وبلىستىق فيليالىنىڭ ءتوراعاسىنىڭ ورىنباسارى عالياسقار سارىبايەۆ ءسوز الىپ، پارتيانىڭ "شەكتەۋسىز بولاشاق" جوباسىنىڭ جۇزەگە اسۋ، مۇمكىندىگى شەكتەۋلى ازاماتتارعا شەكتەۋسىز ورتا قالىپتاستىرۋ جولدارى تۋرالى ماسەلەلەرىنە توقتالدى، سونداي-اق، ول ۇيىمدارى مەن مەملەكەتتىك ورگانداردىڭ ەرەكشە كۇتۋدى قاجەت ەتەتىن بالالارعا ينكليۋزيۆ ءبىلىم بەرۋ جۇمىسىن باقىلاۋ قورىتىندىلارىن تانىستىردى.
سونىمەن قاتار، جيىن بارىسىندا مۇگەدەك جانە اقىل-ەسى، دەنە ءبىتىمىنىڭ كەمىستىگى بار بالالارعا قامقورلىق كورسەتۋشى اتا-انالاردىڭ "الپامىس" اسسوسياسياسى قوعامدىق بىرلەستىگىنىڭ وكىلى رايحان سيسەكەنوۆا ءسوز سويلەدى.
جيىندى وبلىس اكىمىنىڭ ورىنباسارى جاقسىلىق ومار قورىتىندىلادى.
"شەكتەۋسىز ورتانى قالىپتاستىرۋ نىساندارىنىڭ اداپتاسياسى ماسەلەسىن جانە ينكليۋزيۆ ءبىلىم بەرۋ ساپاسىن ءاردايىم باقىلاۋدا ۇستاۋ قاجەت. ينكليۋزيۆ ءبىلىم بەرۋ بالاباقشالارى مەن مەكتەپتەرىنىڭ جول كارتاسىن جاساڭىزدار. مۇگەدەكتەرگە قولداۋعا، رەابيليتاسيا جۇرگىزۋگە جانە وزگە دە شارالارعا بيىل شامامەن 3 ميلليارد تەڭگە ءبولىندى. كوورديناسيالىق كەڭەستىڭ ءاربىر مۇشەسى وسى قاراجاتتىڭ يگەرىلۋىن جانە كورسەتىلىپ جاتقان قىزمەتتەردىڭ ساپاسىن ءاردايىم باقىلاۋدا ۇستاۋى كەرەك. مۇگەدەكتەردەن ءتۇسىپ جاتقان شاعىمدارعا ساراپتاما جۇرگىزىڭىزدەر، نەلىكتەن كەيبىر شاعىمداردىڭ ءبىر تاقىرىپتا ءتۇسىپ جاتقانىن انىقتاڭىزدار. ولاردىڭ ءارقايسىسى بويىنشا قانداي شەشىم قابىلدانىپ جاتقانىن باقىلاۋ قاجەت. مۇمكىندىگى شەكتەۋلى ادامداردىڭ جۇمىسپەن قامتىلۋى بويىنشا ناقتى جوسپارىمىز بولۋى شارت. بۇعان وڭىردەگى بيزنەس-ورتانىڭ وكىلدەرىن دە تارتۋ كەرەك"، - دەدى جاقسىلىق ومار.
