سولتۇستىك كورەيا دۇيسەنبى كۇنى كورەيانىڭ قارۋلى كۇشتەرى مەرەكەسى قارساڭىندا وزدەرىنىڭ راكەتالارى الەمنىڭ كەز كەلگەن تۇكپىرىنە جەتىپ، جارىپ جىبەرەتىندىگىن ايتىپ ەسكەرتتى، دەپ حابارلايدى قامشى اقپاراتتىق اگەنتتىگى ريا نوۆوستي سايتىنا سىلتەمە جاساپ.

بۇل جايىندا جەرگىلىكتى ب ا ق بەتتەرىندە پحەنيانداعى پاراد كەزىندە تۇسىرىلگەن راكەتالاردىڭ سۋرەتتەرىمەن بىرگە ءتۇرلى ماقالالار جاريالاندى.

«كورەيا ۇلتتىق ارمياسىنىڭ ستراتەگيالىق اسكەرى الەمنىڭ كەز كەلگەن تۇكپىرىنە كەز كەلگەن ۋاقىتتا سوققى جاساي الادى»، - دەپ جازادى جەرگىلىكتى باسىلىمدار. ونىڭ ا            تۋىنشا، بۇل راكەتالاردى تابۋ مۇمكىن ەمەس، سول سەبەپتى دە 100 راكەتا جىبەرىلسە، 100ء-ى دە ءساتتى جارىلىس جاسايدى.

سونىمەن قاتار، كەزەكتى باسىلىمداردا سولتۇستىك كورەيا اقش-تىڭ اسكەري بازاسىنا سوققى جاسايدى دەگەن تىكەلەي قوقان-لوققى جوق. بۇۇ قاۋىپسىزدىك كەڭەسىنىڭ سالعان سانكسياسىنا قاراماستان سولتۇستىك كورەيا اقش-قا باعىتتالعان ءتۇرلى قورقىتۋلارمەن قاتار، راكەتالىق قارۋلار جاساپ شىعارۋىن توقتاتار ەمەس. وزدەرىنىڭ يادرولىق قارۋلارى جايىندا ەش اقپارات تاراتپاعاندىقتان پحەنياننىڭ اسكەري دايىندىعى الەم بويىنشا ۇرەي تۋعىزۋدا. سول سەبەپتى دە حالىقارالىق ۇيىم كحدر-دان يادرولىق جانە راكەتالىق قارۋ شىعارۋلارىن توقتاتۋدى تالاپ ەتۋدە.

اۋدارعان: نازەركە لابيحان