قىتايدىڭ وڭتۇستىگى مەن ورتالىعىندا جاۋعان نوسەر سوڭى تاسقىنعا اينالدى. تابيعاتتىڭ توسىن مىنەزىنەن 33 ادام اجال قۇشتى. تاعى 15 – جوعالعاندار ساناتىندا دەپ جازادى 24.kz.  جاۋىن-شاشىننان كەيىن ايماقتاعى 60 وزەننىڭ سۋ دەڭگەيى كوتەرىلدى. سوندىقتان شاھاردىڭ كوشەلەرى دە كولگە اينالعان. ال تۇرعىندار ەشقايدا شىعا الماي، تاسقىن سۋدىڭ قۇرساۋىندا قالدى. وتكەن ايدىڭ ورتاسىندا باستالعان جاۋىننان اسىرەسە حۋنان پروۆينسياسى قاتتى زارداپ شەكتى. مۇندا اعىن سۋ تۇرعىن ۇيلەردى قيراتىپ، جولداردان جىرا جاساعان. جەرگىلىكتى بيلىك وكىلدەرىنىڭ ەسەبىنشە جاۋىن شاشىننان ەل ەكونوميكاسىنا 1 ءبۇتىن جۇزدەن 22 ميلليارد اقش دوللارى كولەمىندە شىعىن كەلدى. ال ەلدىڭ سولتۇستىگىندە جاعداي كەرىسىنشە. بۇل ايماقتىڭ تۇرعىندارى اپتاپ ىستىقتان زارداپ شەگىپ جاتىر. جەرگىلىكتى مەتەورولوگتاردىڭ ايتۋىنشا، مۇندا اۋا تەمپەراتۋراسى 40 گرادۋسقا دەيىن جوعارىلاعان.