پاۆلوداردا قالا كوشەلەرىنىڭ بىرىندە «BMW» ماركالى كولىگىنىڭ جۇرگىزۋشىسى اعاشقا سوعىلىپ، تەمىر تۇلپارىن تاستاپ كەتكەن، دەپ حابارلايدى قامشى اقپاراتتىق اگەنتتىگى pavlodarnews.kz مالىمەتىنە سۇيەنىپ. بۇل تۋرالى اگەنتتىكتىڭ ساۋال حاتىنا جولداعان جاۋابىندا پاۆلودار وبلىستىق ءىىد حابارلادى. - «BMW» ماركالى كولىگىنىڭ انىقتالماعان جۇرگىزۋشىسى ۆورۋشين كوشەسىنىڭ ماڭىنداعى اعاشقا سوعىلعان، كەيىن جۇرگىزۋشى وقيعا ورنىنان كولىكتى تاستاپ، قاشىپ كەتكەن. وسى فاكتى بويىنشا قازاقستان رەسپۋبليكاسى اقبتك 611-بابى 2ء-بولىمى بويىنشا اكىمشىلىك ءوندىرىس قوزعالدى. جول كولىك وقيعاسىنا كىنالى ادامدى انىقتاۋ بويىنشا ءىس-شارا جۇرگىزىلۋدە.

سوعىلعان تەمىر تۇلپار ايىپپۇل تۇراعىنا قويىلدى، - دەپ جازىلعان حابارلامادا. ايتا كەتەيىك، كەشكى ساعات 22.00 شاماسىندا ەكى بىردەي «Lexus» كولىكتەرى سوعىلىپ قالدى.
وبلىستىق ءىىد ۇسىنعان اقپاراتقا سۇيەنسەك، «Lexus Is 300» جۇرگىزۋشىسى 1989 جىلى تۋعان ازامات قايىربايەۆ كوشەسىندە كەلە جاتىپ شىعىستان باستىسقا باعىتتالعاندا جىلدامدىقتى ساقتاماي، جەڭىس الاڭى كوشەسىنە بۇرىلعان. سالدارىنان 1983 جىلى تۋعان ازاماتقا تيەسىلى تۇراقتا تۇرعان «Lexus Gs 300» ماركالى ءاۆتوموبيلدى سوققان. جول كولىك وقيعاسىنان كەيىن جۇرگىزۋشى مەن 1998 جىلى تۋعان جولاۋشى ازاماتشا ءارتۇرلى جاراقاتتارمەن اۋرۋحاناعا جەتكىزىلدى. ولار مەديسينالىق كومەك كورسەتىلگەننەن كەيىن ۇيگە جىبەرىلگەن. جكو كەزىندە ەكى جۇرگىزۋشى دە ساۋ بولدى. جىلدامدىقتى ساقتاماعان جۇرگىزۋشىگە قاتىستى قازاقستان رەسپۋبليكاسى اقبتك 610- بابىنىڭ 1- بولىمىنە سايكەس اكىمشلىك قۇقىق بۇزۋشىلىق تۋرالى حاتتاما تولتىرىلدى.

شولۋشى: ايگەرىم تاۋباي