قاراعاندى وبلىسىندا ەر ادام ءوز ايەلى جۇمىس ىستەيتىن كومپتەرلىك كلۋبقا كەلىپ ونى ۇرىپ تاستاعان. سودان كەيىن كلۋبتى توناعان دەپ حابارلايدى قامشى اقپاراتتىق اگەنتتىگى.
بۇل قىلمىس ساتپايەۆ قالاسىندا ورىن العان. 30 جاستاعى ۆالەريي سامويلوۆ پەن ونىڭ ايەلى ەلەنا ەكەۋىنىڭ اراسىندا جانجال تۋعان. جۇمىستا باستىعىمەن ۇرىسىپ قالعان ول جۇمىستان شىعىپ كەتىپ ىشىمدىك ىشكەن. ال ايەلى بولسا جۇبايىنىڭ قالعان اقشاسىن ىشىمدىككە جۇمساپ تاستاماس ءۇشىن الىپ قويعان. ىشىمدىككە سىلقيا تويعان ۆالەريي ەرتەسىندە اقشاسىن ىزدەپ تاپپايدى.
ايەلىنىڭ جۇمىسىنا بارعان ول ونى 2 رەت جۇدىرىقپەن ۇرىپ، كاسساداعى 7 مىڭ تەڭگەنى ۇرلاپ كەتكەن. پوليسەيلەر ونى كلۋبتان شىعا بەرە بىردەن ۇستاپ العان. سوتتا ءوز كىناسىن مويىنداپ، كەشىرىم سۇراعان ۆالەريي 3 جىلعا باس بوستاندىعىنان ايىرىلعان.
