مەملەكەت باسشىسى نۇرسۇلتان نازاربايەۆتىڭ تاڭدامالى ەڭبەكتەر جيناعى جۇڭگو تىلىندە باسىلىپ شىقتى دەپ حابارلايدى قامشى اقپاراتتىق اگەنتتىگى 24.kz-كە سىلتەمە بەرىپ. التى بولىمنەن تۇراتىن كىتاپتا ەلباسى جاريالاعان ماڭىزدى جوسپارلار، 2030 جانە 2050 جىلداردىڭ ستراتەگيالىق  باعدارلاماسى،«بەس ينستيتۋسيونالدى رەفورما»، «ۇلت جوسپارى» جانە حالىققا جولداۋى جيناقتالعان. سونىمەن قاتار ساياسي، ەكونوميكالىق، الەۋمەتتىك جانە سىرتقى ساياساتتاعى پرەزيدەنتتىڭ باياندامالارى دا بار. جيناقتى شىعارۋعا مۇرىندىق بولعان رەسەي، شىعىس ەۋروپا جانە ورتالىق ازيانى زەرتتەۋ ينستيتۋتىنىڭ ديرەكتورى لي يۋنسيۋاننىڭ ايتۋىنشا، كورشىلەس ەكى ەل باسشىسىنىڭ دوستىعى قازاق-قىتاي بايلانىسىن جوعارى دەڭگەيگە كوتەردى. سونىڭ ناتيجەسىندە «نۇرلى جول» باعدارلاماسى مەن «ءبىر بەلدەۋ، ءبىر جول» ستراتەگياسى  ءبىرىن ءبىرى تولىقتىردى. 

لي يۋنسيۋان، رەسەي، شىعىس ەۋروپا جانە ورتالىق ازيانى زەرتتەۋ ينستيتۋتىنىڭ ديرەكتورى:  - كىتاپتى ماركس پەن لەنين شىعارمالارىن جۇڭگو تىلىندە سويلەتىپ، جۇڭگو ءتوراعاسى سي ءسزينپيننىڭ شىعارمالارىن وزگە تىلگە اۋلارۋعا ات سالىسقان ورتالىق اۋدارما  اگەنتتىگى جاسادى. ال قىتايدىڭ ەڭ ىقپالدى «حالىق باسپاسى» شىعارمالار جيناعىنىڭ جارىققا شىعارۋعا كومەكتەستى. ەلمىزگە بەلگىلى رەداكتورلار دا ەڭبەكتەندى. سوندىقتان بۇل قازىرگە دەيىن قىتايدا جوعارعى دەڭگەيدە جارىق كورگەن كىتاپتاردىڭ ءبىرى سانالادى-دەپ اتاپ ءوتتى.