پحەنيان قۇرلىقارالىق بالليستيكالىق زىمىران ۇشىرىپ، سەۋلدى قيىن جاعدايدا قالدىردى دەپ حابارلايدى قامشى اقپاراتتىق اگەنتتىگى 24.kz-كە سىلتەمە بەرىپ. بۇل تۋرالى 24.kz-كە بەرگەن سۇحباتىندا وڭتۇستىككورەيالىق قارۋسىزداندىرىلعان ايماقتى زەرتتەۋ ينستيتۋتىنىڭ پروفەسسورى پاك ونگ مين مالىمدەدى. ونىڭ ايتۋىنشا، زىمىران ەكى ەل ءۇشىن ماڭىزدى كۇندە ۇشىرىلىپ وتىر. سەبەبى 1972 جىلدىڭ 4 شىلدەسىندە وڭتۇستىك پەن سولتۇستىك كورەيا جارتى ارالدارى اراسىندا بىرلەسكەن مالىمدەمە جاريالانعان بولاتىن. قۇجاتتىڭ باستى يدەياسى – ەكىگە بولىنگەن كورەيا سىرتقى كۇشتەردىڭ قاتىسۋىنسىز بىرىگۋى ءتيىس. وڭتۇستىك كورەيانىڭ ەلۋ ميلليوننان استام حالقى بار. ونىڭ شامامەن جيىرما ميلليونى سەۋلدە تۇرادى.

ەل استاناسى سولتۇستىك كورەيا شەكاراسىنان 50 شاقىرىم جەردە ورنالاسقان. ءبىراق پروفەسسوردىڭ پىكىرىنشە، وڭتۇستىك كورەياعا ەشقانداي ءقاۋىپ ءتونىپ تۇرعان جوق. ويتكەنى ەلدى قورعاۋ ءۇشىن بار جاعداي جاسالعان جانە بەيبىت كەلىسسوزدەر جۇرگىزۋ تاجىريبەسى دە جوق ەمەس. پاك ونگ مين، قارۋسىزداندىرىلعان ايماقتى زەرتتەۋ ينستيتۋتىنىڭ پروفەسسورى: – جاعداي ءقاۋىپتى، ويتكەنى سولتۇستىكتەگى ەل يادرولىق قارۋدى جىلدان جىلعا جەتىلدىرىپ كەلەدى. قۇرلىقارالىق بالليستيكالىق زىمىران بەس مىڭ شاقىرىمنان اسا قاشىقتىققا ۇشا الادى. پرەزيدەنتىمىز مۋن چجە ين سولتۇستىك كورەيامەن بەيبىت كەلىسسوزدەر جۇرگىزۋگە نيەتتى. بۇل تۋرالى ول اقش پرەزيدەنتى دونالد ترامپپەن كەزدەسۋى بارىسىندا دا ايتقان ەدى. اق ءۇي باسشىسى بۇل شەشىمىمەن كەلىستى. سولتۇستىك كورەيا يادرولىق قارۋدى تاراتپاۋى ءتيىس. پحەنيان تەك وسى شارتتى ورىنداعان كەزدە عانا مۋن چجە يننىڭ ستراتەگياسى جۇزەگە اسۋى مۇمكىن. ال بۇگىنگى زىمىران ۇشىرۋى سەۋلدى ىڭعايسىز جاعدايدا قالدىردى-دەپ اتاپ ءوتتى.