وقيعا سەنبىدەن جەكسەنبىگە قاراعان ءتۇنى بولعان. جۇرگىزۋشىسى ىشكەن بولۋى مۇمكىن دەگەن كۇدىكپەن، مەرسەدەس كولىگىن پوليسەيلەر توقتاتپاق بولعان كەزدە قىمبات كولىك مىنگەندەر قاشا جونەلىپتى. قالا شەتىنە توقتاعان كولىكتىڭ ىشىنەن ۇشەۋ شىعىپ، ارتىنان جەتكەن 2 پوليسەيدى تەپكىنىڭ استىنا العان. وسىنىڭ كەسىرىنەن پوگوندار جىرتىلىپ، فورمالارى قانعا بويالعان.

-مىنانىڭ استىنىڭ ءبارى، ارقامنىڭ ءبارى بىت-شىت بولدى. بۇلار ما ساعان اتىلعان؟ – مىنە مىنا ەكەۋى، انە ءۇشىنشىسى انە.

30 جانە 20 جاستاعى قوس پوليسەي ۇزاق تاياق جەر مە ەدى، تەك ارتىنان جەتكەن ەكى ەكيپاجداعى پوليسەيلەر، ۇشەۋدى اۋپىرىمدەپ ءجۇرىپ، بايلاپ تاستاعان. بيلىك وكىلدەرىن تەپكىلەۋگە كۇشى جەتكەندەر تەك ءوز ىستەرىن بىردەن مويىنداماعانىمەن، ولار جاساعان ارەكەت ۆيدەوعا ءتۇسىپ قالعان بولىپ شىقتى.

-قول كوتەرگەن جەرىم جوق.  جوعەي براتان، مەنى جىرتىپ تاستادى.

-ەي!

-كوردىڭ با بوقتاپ جاتقانىن.

-دىرىلداتپاساڭىزشى. مەن تەلەفونىمدى تاۋىپ الايىنشى. تەلەفوندى تاۋىپ الايىن دا ەۋ. تەلەفون قاي جاقتا ە!

قارسىلىقپەن مەديسينا ساراپتاماسىنا ازەر جەتكىزىلگەن ۇشەۋدىڭ دە ىشىمدىكتەن ابدەن سىلتەگەنى انىقتالدى. ال، سوققىعا جىعىلعان پوليسيا ستارشيناسى مەن سەرجانتى جۇمىستارىن جالعاستىرىپ جاتىر. دەنساۋلىقتارىنا قانشالىقتى زاقىم كەلگەنى ءالى تەكسەرىلۋدە.

جاندوس سۇلتانوۆ، ەڭبەكشى اۋداندىق ءىىب تەرگەۋ ءبولىمىنىڭ باستىعى:

ء-بىز ول بويىنشا سوت-مەديسينالىق ساراپتاما تاعايىندالدى. الايدا، پوليسيا قىزمەتكەرلەرىنە كەلگەن دەنە جاراقاتتارى بويىنشا قازىرگى ۋاقىتتا ولار ءوز قىزمەتتەرىن اتقارىپ ءجۇر. تاك، بۇل 3ازاماتتا بىر-بىرىمەن سىنىپتاستار، 87 جىلعى ازاماتتار. ەكى ازامات ق ر ازاماتتىعىن العان. ال، بىرەۋى وزبەكستان رەسپۋبليكاسىنىڭ ازاماتى.

پوليسەيلەردى سوققىعا جىققان ۇشەۋ ءقازىر تەرگەۋ اباقتىعىسندا جاۋاپ بەرىپ جاتىر. پوگوندىلار ولارعا قاتىستى 2 باپ بويىنشا قىلمىستىق ءىس قوزعاعان. وتكەن ىسكە وكىنەتىنىن ايتقانىمەن پوليسەيلەر ءۇشىن جۋان جۇدىرىقتىلاردى جازالاۋ اردىڭ ءىسى بولىپ تۇر.