ورتا سالماقتا WBA (Super)، IBO، WBC جانە IBF تۇجىرىمدارى بويىنشا الەم چەمپيونى قازاقستاندىق بوكسشى گەنناديي گولوۆكين (37-0، 33 كو) مەكسيكالىق ساۋل "كانەلو" الۆارەسپەن (49-1-1، 34 كو) وتەتىن جەكپە-جەككە دايىندىق جاتتىعۋلارىن باستادى، - دەپ حابارلايدى قامشى اقپاراتتىق اگەنتتىگى Vesti.kz سايتىنا سىلتەمە جاساپ. بۇل تۋرالى ونىڭ باپكەرى ابەل سانچەس مالىمدەدى. جاتتىعۋ پروسەسى ادەتتەگىدەي كاليفورنياداعى Big Bear كەشەنىندە وتەدى.

"ەرتەڭ ول جاتتىعۋ لاگەرىنە كەلەدى. ءبىز جاتتىعۋلاردى باستايمىز. مەن ونىڭ مىقتى بولۋى ءۇشىن جاتتىعۋلارعا بار كۇشىن سالاتىنىنا سەنەمىن. قارسىلاس تا وسى ماسەلەنى ەسكەرۋى ءتيىس. بىزدە "كانەلونى" سوڭعى راۋندتاردا قۇلاتۋعا نەمەسە تورەشىلەر شەشىمىمەن جەڭىسكە جەتەمىز دەگەن ءۇمىت بار"، - دەپ جازدى boxingnews24.com سانچەستى ءسوزىن.

ايتا كەتەيىك، گولوۆكين - "كانەلو"  جەكپە-جەگى 16 قىركۇيەك كۇنى لاس-ۆەگاستا (اقش، نيەۆادا) T-Mobile Arena ارەناسىندا وتەدى، ەكى بوكسشى اراسىنداعى جەكپە-جەك وتەتىنى رەسمي تۇردە جاريالاندى.

ساۋل كانەلو الۆارەسكە قارسى جەكپە-جەكتە گەنناديي گولوۆكين ورتا سالماقتا WBC، WBA (Super)، IBF جانە IBO چەمپيوندىق اتاقتارىن قورعايدى. مەكسيكالىق "The Ring" جۋرنالىنىڭ بەلبەۋىن باسكە تىگەدى.