الەمگە تانىمال قازاقستاندىق ءانشى ديماش قۇدايبەرگەن العاشقىلاردىڭ ءبىرى بولىپ نۇرسۇلتان نازاربايەۆتى تۋعان كۇنىمەن قۇتتىقتادى. 5 شىلدەدەن 6-سىنا قاراعان ءتۇنى-اق، ساعات 00:00-دە ول ينستاگرام پاراقشاسىنا ەلباسىنا ارناعان اشىقحاتىن سالىپ، قۇتتىقتاۋ ءسوزىن جولدادى، دەپ حابارلايدى قامشى اقپارات اگەنتتىگى.

اشىقحات تا ەرەكشە شىققان. مەملەكەت باسشىسى مەن ديماشتىڭ قول الىسىپ تۇرعان سۋرەتىن بايقايمىز. ءانشى سۋرەت استىنا «مەرەكەلەرىڭىزبەن!» دەپ جازعان.

ەسكە سالا كەتەيىك، ءساۋىردىڭ اياعىندا نۇرسۇلتان نازاربايەۆ قازاقستان حالىق اسسامبلەياسى سەسسياسى باسىندا ديماش قۇدايبەرگەندى قابىلداپ، اق باتاسىن بەرگەن.

«اق باتامدى بەرە وتىرىپ، قازاق حالقى ءانشىمىزدى ەرەكشە قادىرلەپ، جاقسى كورەتىنىن ايتقىم كەلەدى. دەنساۋلىعى مەن تالانتىن ساقتاسىن دەيمىن»، - دەگەن ەدى ەلباسى.

شولۋشى: گۇلىم جاقان