جانتۇرشىگەرلىك وقيعا ريددەردە بولعان. تاڭعى ساعات 4:00 شاماسىندا جەرگىلىكتى تۇرعىندار بەلگىسىز بۇر ەر ادامدى كوزدەرى شالعان. ءبىر كەلەڭسىزدىكتى جۇرەگى سەزگەن تۇرعىندار پوليسيا قىزمەتكەرلەرىن شاقىرىپ، اتالمىش جايتتى ۆيدەوعا ءتۇسىرىپ العان، دەپ حابارلايدى قامشى اقپاراتتىق اگەنتتىگى YK-news.kz سايتىنا سىلتەمە جاساپ.

ۆيدەودا ەر ادامنىڭ ءبىر ءمايىتتى تاسىپ الىپ بارا جاتقاندىعى انىق كورىنەدى. وقيعا ورنىنا كەلىپ جەتكەن پوليسيا قىزمەتكەرلەرى كۇدىكتىنى ۇستاپ، ۋاقىتشا قاماۋ يزولياتورىنا توعىتتى.

«بەلگىلى بولعانداي، 29 جاستاعى ەر ادام ۇيىنە ءوزىنىڭ 45 جاستاعى تانىسىن قوناققا شاقىرعان. ولار بىرگە ىشىمدىك ءىشىپ وتىرىپ، كەلىسپەي قالعان. ۇرىستىڭ سوڭى توبەلەسكە ۇلاسىپ، العان جاراقاتىنىڭ كەسىرىنەن شاقىرىلعان قوناق وقيعا ورىندا كوز جۇمعان. ال قىلمىسكەر ءمايىتتى كومپ تاستاپ، ءىزىن سۋىتپاق بولعان»، - دەپ مالىمدەدى شقو ءىىد باسپا ءسوز قىزمەتى.

اتالمىش جايتقا قاتىستى قىلمىستىق ءىس قوزعالىپ، ءىستىڭ ءمان-جايى انىقتالۋدا.

شولۋشى: نازەركە لابيحان