6 شىلدەدە، مەرەكە قارساڭىندا قازاقستاننىڭ باسىم ايماقتارىندا كۇن بۇلتتى بولادى، كەي وڭىرلەردە جاڭبىر جاۋىپ، جەل كۇشەيەدى، سوڭى بۇرشاققا ۇلاسۋى مۇمكىن، دەپ جازادى قامشى اقپارات اگەنتتىگى قازگيدرومەتكە سىلتەمە جاساپ.

رەسپۋبليكانىڭ باتىسى مەن وڭتۇستىگىندە اۋا رايى ىستىق بولادى.

ال سولتۇستىك  قازاقستان، پاۆلودار وبلىستارىندا جەل 15-20، كەي جەرلەردە ەكپىنى 25 م/س كۇشەيەدى، بۇرشاق بولۋى مۇمكىن.

اقمولا، شىعىس قازاقستان، اقتوبە وبلىستارىنىڭ كەي جەرلەرىندە جەلدىڭ جىلدامدىعى  15-20 م/س جەتىپ، بۇرشاق جاۋۋى ىقتيمال. قوستاناي وبلىسىندا كەي جەرلەرىندە جەلدىڭ كۇشى 15-20، ەكپىنى 23 م/س جەتەدى.

باتىس قازاقستان، كۇندىز اتىراۋ، جامبىل، قاراعاندى وبلىستارىندا جەل تۇرادى، جىلدامدىعى -  15-20 م/س. كۇندىز قىزىلوردا، مانعىستاۋ وبلىستارىنىڭ كەي جەرلەرىندە جەلدىڭ كۇشى 15-20 م/س  جەتىپ، شاڭدى داۋىل كوتەرىلەدى.

كۇندىز كىزىلوردا، الماتى، جامبىل، وڭتۇستىك قازاقستان، باتىس قازاقستان، قوستاناي، قاراعاندى وبلىستارىندا اپتاپ ىستىق.

سونداي-اق، ماڭعىستاۋ، اتىراۋ، اقتوبە وبلىستارىندا دا وتە قاتتى ىستىق بولادى. قىزىلوردا، وڭتۇستىك-قازاقستان، قاراعاندى، قوستاناي، اتىراۋ، باتىس-قازاقستان وبلىستارىنىڭ كەي جەرلەرىندە وتە جوعارى ءورت ءقاۋپى ساقتالادى.