قازاقستاننىڭ بۇرىنعى ەكونوميكا ءمينيسترى، كوررۋپسيا كۇدىگىنە ىلىككەن قۋاندىق بيشىمبايەۆتى قاماۋ مەرزىمى 10 تامىزعا دەيىن ۇزارتىلدى دەپ حابارلايدى قامشى اقپاراتتىق اگەنتتىگى Tengrinews.kz سايتىنا سىلتەمە جاساپ.
پارا الدى دەگەن كۇدىككە ىلىنگەن بيشىمبايەۆ استانا قالالىق ىشكى ىستەر دەپارتامەنتىنىڭ ۋاقىتشا قاماۋ يزولياتورىندا وتىر. ول قاڭتاردىڭ 10-ى كۇنى "توپ بولىپ الدىن الا ءسوز بايلاسۋ ارقىلى اسا ءىرى كولەمدە بىرنەشە رەت پارا الۋ فاكتىسى" بويىنشا ۇستالعان. ەكى كۇننەن سوڭ ول استانانىڭ الماتى اۋداندىق سوتىنىڭ سانكسياسى بويىنشا قامالعان.
بيشىمبايەۆ ۇلتتىق ەكونوميكا ءمينيسترى قىزمەتىنەن 2016 جىلدىڭ جەلتوقسانىندا كوررۋپسياعا قارسى ءىس-قيمىل ۇلتتىق بيۋروسى "بايتەرەك DEVELOPMENT" ۇلتتىق كومپانياسى قاتىستى تەرگەۋ باستاعان سوڭ بوساتىلعان. كومپانيا بيشىمبايەۆ 2013 جىلدىڭ مامىرىنان 2016 جىلدىڭ مامىرىنا دەيىن باسقارعان "بايتەرەك" حولدينگى قۇرامىنا كىرەدى.
