سوڭعى كەزدەرى عالامتوردا «قانات گولوۆكينمەن جەكپە جەككە شىعادى» دەگەن اقپارات جەلدەي ەستى. «ءيا، بوكستا ءبارى بولۋى مۇمكىن، قانات پەن گولوۆكين كەزدەسۋى دە عاجاپ ەمەس جانە قانات ەڭ مىقتى بوكسشى» دەپ پىكىر ايتقان قاناتتىڭ پروموۋتەرى نەلسون لوپەستىڭ ءسوزى قازاق اراسىندا «قازاقستاننىڭ ەكى مىقتىسى بوكستاسادى» دەپ تارادى.

وسى ماسەلەگە بايلانىستى قانات يسلام مىرزا سايتىمىزعا ءوز پىكىرىن ايتقان ەدى.

- گولوۆكين مەنىڭ قارسىلاسىم ەمەس، ەڭ الدىمەن وتانداسىم، تىلەكشىم. ەكەۋمىزدە قازاق ەلىنىڭ نامىسىن قورعاۋشىمىز. «اكەم - ورىس، شەشەم – كارىس، ءوزىم – قازاقپىن» دەپ الەمگە جار سالعان گەنا مەن ءۇشىن دە قازاق. ال قازاقتىڭ اتىنان شىعىپ، قازاقستاننىڭ تۋىن جەلبىرەتىپ جۇرگەن دوسىممەن قولعاپ ءتۇيىستىرۋ ول وسى ەلدىڭ ازاماتى بولىپ تۇرعاندا ەش قيسىنى جوق اڭگىمە دەپ ويلايمىن. ال ات جارىستىرۋ مەن اتاق تالاستىرۋ قاسيەتىمدە جوق. ويتسەم وسى كۇندە قىتايدا جۇرە بەرەر ەدىم. ماعان الاش جۇرتىنىڭ ابىرويىن دۇنيەجۇزىنە پاش ەتۋدەن،  كوك تۋدى جەلبىرەتۋدەن اسقان باقىت جوق، - دەيدى قازاقتىڭ قاناتى.

بۇل تۋرالى ارىپتەسىمىز "31" تەلەارنا جۋرناليستەرى دە الىپ-قاشپا اقپاراتتىڭ ءمان-جايىن ءتۇسىندىردى.