مەكسيكاداعى نارازىلىق شەرۋى باسەڭدەمەي وتىر. كوتەرىلىسشىلەر بيلىكتەن وسىدان 2 اي بۇرىن جوعالعان ستۋدەنتتەردى تاۋىپ بەرۋىن تالاپ ەتىپ، بىرنەشە مەملەكەتتىك مەكەمەلەرگە شابۋىل جاساپ، مۇناي وڭدەۋ زاۋىتى مەن ەلدىڭ اۋەجايىنىڭ جۇمىسىن توقتاتىپ قويعان. بۇل تۋرالى Qamshy.kz حابارلايدى.
ستۋدەنتتەرمەن بىرگە وقىتۋشىلار دا قاتىسقان ەرەۋىل، چيمپالسينگو شتاتىنىڭ ورتالىق گەنپروكۋراتۋراسىن شابۋىلداعان. ناتيجەسىندە بىرنەشە عيماراتپەن كولىكتەر جانىپ كەتىپ، مەكەمەلەردىڭ تەرەزە مەن قابىرعالىرىن سىنعان. وعان قوسا كوتەرىلىسشىلەر باستاعان جولدارداعى دۇكەندەر دە جابىلىپ، امالسىزدان جۇمىسىن توقتاتقان.
ەرەۋىلشىلەر واحاكا قالاسىنداعى اۋەجايدى باسىپ الىپ، حالىقارالىق رەيستەردىڭ جونەلتىلۋىنە كەدەرگى جاساسا، سالينا-كرۋس قالاسىندا 5 مىڭعا جۋىق ادام مۇناي وڭدەۋ زاۋىتتارىنىڭ جولدارىن جاپقان.
بۇل جاپپاي كوتەرىلىس لاتىن امەريكاسىنىڭ وزگە قالالارىندا ءورشىپ تۇر. مەحيكو شتاتىندا كوتەرىلىسكە 100 مەكتەپتىڭ وقىتۋشىلار مەن وقۋشىلارى قاتىسقان. مەكسيكو استاناسىندا جۇزدەگەن ادام ورتالىق الاڭعا شىعىپ، نارازىلىق شەرۋىن ۇيىمداستىرعان. ىشىندە جوعالعان 43 ستۋدەنتەردىڭ اتا-انالارى بار.
ەستەرىڭىزدە بولسا، قىركۇيەك ايىنىڭ سوڭعى اپتاسىندا نارازىلىققا شىققان ستۋدەنتتەردى پوليسيا قىزمەتكەرلەرى اكەتكەن بولاتىن. كەيىن انىقتالعانداي، پوليسەيلەر ستۋدەنتتەردى قىلمىستىق توپتىڭ قولىنا وتكىزگەن. وسى ىسكە قاتىستى قىلمىستىق ءىس قوزعالىپ يگۋالانىڭ مەرى مەن پوليسەي قىزمەتكەرلەرى قۇرىقتالعان بولاتىن. كوتەلىستەردىڭ قاشان باسىلاتىنى ازىرگە بەيمالىم.
