قازاقستاندا 1 قاڭتاردان باستاپ اي-92 بەنزينى قايتادان 115 تەڭگەگە ارزانداۋى مۇمكىن. بۇل تۋرالى الەۋمەتتىك جەلىلەردەگى جەكە پاراقشاسىندا ءماجىلىس دەپۋتاتى مۇحتار تىنىكەيەۆ ءمالىم ەتتى، دەپ حابارلايدى Bnews.kz.
«مينيستر ۆ.س.شكولنيكتىڭ «بەنزين اكسيزدەرىنىڭ ستاۆكالارى تۋرالى» اقپاراتىن تىڭدادىق. ەكونوميكادا تۋىنداعان جاعدايلارعا جەدەل ارەكەت ەتۋ ماقساتىندا بەنزين، ديزەلدى وتىن اكسيزدەرىنىڭ ستاۆكاسىن (اۆياسيالىق وتىننان بولەك) ق ر ۇكىمەتىندە بەكىتۋ ۇسىنىلىپ وتىر. وسىنىڭ ارقاسىندا 1 قاڭتاردان باستاپ 92 ماركالى بەنزين باعاسىن 128 تەڭگەدەن 115 تەڭگەگە، ديزەلدى وتىن باعاسىن 115 تەڭگەدەن 107 تەڭگەگە ارزانداتۋعا مۇمكىندىك تۋادى»، - دەپ جازدى دەپۋتات مۇحتار تىنىكەيەۆ Facebook الەۋمەتتىك جەلىسىندەگى جەكە پاراقشاسىندا.
