الماتىدا جاڭا تەحنولوگيالار، جوعارى بىلىكتى ماماندار مەن ينۆەستيسيالاردى شوعىرلاندىراتىن باس ورتالىق - IT-كۆارتال تانىستىرىلدى. ورتاق الاڭ اۋماعىندا بىرىككەن جەتەكشى IT-كومپانيالاردىڭ الەۋەتى ەلباسىنىڭ قازاقستان ەكونوميكاسىن سيفرلەندىرۋ جونىندەگى العا قويعان مىندەتتەرىن جۇزەگە اسىرۋعا مۇمكىندىك بەرەتىن باستى قورعا اينالماق، دەپ حابارلايدى Qamshy.kz اقپارات اگەنتتىگى. 

IT-كۆارتالدىڭ باستى مىندەتى – بىرلەسكەن جۇمىستان سينەرگەتيكالىق ناتيجەنى الۋ ءۇشىن تەحنولوگيالىق كومپانيالاردى بىرىكتىرۋ. قازىرگى تاڭدا قر-داعى IT-كومپانيالاردىڭ 60%-دان استامى الماتىدا جۇمىس جاسايدى. IT-كومپانيالاردى ءبىر الاڭدا شوعىرلاندىرۋ وتاندىق مامانداردىڭ بىلىكتىلىگىن كوتەرۋگە، كۇردەلى جوبالاردى جۇزەگە اسىرۋعا جانە ۇزاق مەرزىمدى شارتتاردى جاساسۋعا مۇمكىندىك بەرمەك. «يننوۆاسيالىق تەحنولوگيالار پاركى» دەربەس كلاستەرلىك قورى (Almaty Tech Garden برەندىمەن قىزمەت جاسايدى) IT-كۆارتالدى قۇرۋ تۋرالى باستاماسىن ەلدەگى اقپارات جانە كوممۋنيكاسيا سالاسىن دامىتۋ جانە ەلدى سيفر جۇيەسىنە كوشىرۋ مىندەتىن ءتيىمدى جۇزەگە اسىرۋ ماقساتىندا ق ر ۇكىمەتىنىڭ قولداۋىمەن جۇزەگە اسىرۋدا.

 «جىبەك جولى» بيزنەس ورتالىعىندا ورنالاسقان IT-كۆارتال 17000 شارشى مەتر اۋماقتى الىپ جاتىر. ۇستىمىزدەگى جىلدىڭ سوڭىنا دەيىن وندا 10 IT-كومپانيا جانە 15 ستارتاپ جايعاسپاق. 2018 جىلى 20 IT-كومپانيانى جانە 50 ستارتاپتى تارتۋ كوزدەلىپ وتىر. IT-كۆارتال دامىعان سايىن ونىڭ الاڭىن كەڭەيتۋ ءۇشىن حالىقارالىق اقپاراتتىق تەحنولوگيالار ۋنيۆەرسيتەتىمەن بىرلەسە جەكە كامپۋستى سالۋ مۇمكىندىگى قاراستىرىلىپ قويعان.

 IT-كۆارتالدىڭ باستى ارتىقشىلىعى – رەزيدەنتتەردىڭ  IBM، ARM، Autodesk، 1س سىندى باسقا دا مامانداندىرىلعان زاماناۋي پلاتفورمالارعا قول جەتكىزە الاتىندىعىندا. سونىمەن قاتار، «يننوۆاسيالىق تەحنولوگيالار پاركى» ارنايى ەكونوميكالىق ايماعىنىڭ ەكساۋماقتىلىق تۋرالى شارتتارىنا سايكەس كەلەتىن كومپانيالار الەۋمەتتىك سالىقتان، جەر سالىعىنان، كورپوراتيۆتىك كىرىس سالىعىنان، مۇلىك سالىعىنان بوساتۋ سىندى سالىقتىق جەڭىلدىكتەر مەن ارتىقشىلىقتارعا يە بولادى. قازىرگى تاڭدا ەكساۋماقتىلىق قاعيداسىنا سايكەس «يننوۆاسيالىق تەحنولوگيالار پاركى» اەا-نىڭ ارتىقشىلىقتارىنا يە بولعان الماتىداعى 45 كومپانيا IT-كۆارتالعا قاتىسۋعا مۇمكىندىگى بار. 

IT-كۆارتال اۋماعىندا يننوۆاسيالىق ستارتاپتاردىڭ شوعىرلانۋى ونىڭ دامۋىنا ۇلكەن قوزعاۋ سالماق. ۇستىمىزدەگى جىلدىڭ قازانىندا Almaty Tech Garden حالىقارالىق Startup Kazakhstan باعدارلاماسىن ىسكە قوسقالى وتىر. ونىڭ قاتىسۋشىلارى IT-كۆارتالدا ورنالاسپاق. Startup Kazakhstan - وتاندىق ستارتاپتاردى دامىتىپ، شەتەلدىك ستارتاپتاردى ەلگە تارتۋعا باعىتتالعان تۇڭعىش اۋقىمدى قازاقستاندىق باعدارلاما. ول Almaty Tech Garden جانە GVA Capital-GVA Alatau Fund-تىڭ ورتاق ۆەنچۋرلىق قورى ارقىلى قارجىلاندىرىلاتىن بولادى. ستارتاپتارعا قۇيىلاتىن ينۆەستيسيالاردىڭ كولەمى 100 000 دوللارعا دەيىن جەتەدى. 2020 جىلعا دەيىن 500-گە تارتا يننوۆاسيالىق ستارتاپ قارجىلاندىرىلىپ، جوعارى تەحنولوگيالىق، ەكسپورتقا باعدارلانعان 50 كومپانيا ينكۋباسيالانادى.

وتكەن ايدا Almaty Tech Garden GVA ۇيىمىمەن بىرلەسىپ، كرەمنيي القابىندا تۇڭعىش رەسمي تەحنولوگيالىق وكىلدىگىن اشتى. وسىلايشا Startup Kazakhstan قاتىسۋشىلارىنىڭ دامۋىن جەدەلدەتۋ (دايارلاۋ) شارالارى ءىشىنارا كرەمنيي القابىندا (اقش) جۇرگىزىلەتىن بولادى. سونداي-اق، «يتپ» اەا-نا جايعاساتىن العاشقى 10 رەزيدەنت-كومپانيانى دايىنداۋ جۇمىستارى 25 قىركۇيەكتە، دۇيسەنبى كۇنى وسىندا باستالادى. Startup Kazakhstan باعدارلاماسى تۋرالى تولىعىراق اقپاراتپەن 23 قىركۇيەكتە «يتپ» اەا اۋماعىندا وتەتىن Tech Garden Fair حالىقارالىق تەحنولوگيالار مەن ستارتاپتار فەستيۆالى كەزىندە تانىسۋعا بولادى. فەستيۆال اياسىندا Startup Kazakhstan باعدارلاماسىنا قاتىساتىن ەڭ ۇزدىك ستارتاپتار بايقاۋى وتكىزىلەدى. سونىمەن قاتار، قور بالامالى قارجىلاندىرۋ كوزدەرى، سونىڭ ىشىندە سيفرلىك توكەندەر ارقىلى ستارتاپتارعا كومەكتەسۋدى جوسپارلاپ وتىر. كەيدە ICO نەمەسە «Initial Coin Offering» دەپ اتالاتىن بۇل سيفرلىك توكەندەر – ءقازىر بۇكىل الەمدە تانىمالدىعى قارقىندى تۇردە دامىپ كەلە جاتقان بلوكچەين تەحنولوگياسى نەگىزىندە ينۆەستيسيالاردى تارتۋدىڭ جاڭا ءادىسى. Startup Kazakhstan قاتىسۋشىلارىن ICO-عا شىعۋعا دايىنداۋ ءۇشىن ICO-ينكۋباتوردى ىسكە قوسۋ جوسپارلانعان. 

«جەتەكشى يننوۆاسيالىق ورتالىقتارمەن ىنتىماقتاسۋ ستارتاپ ەكوجۇيەسىن دامىتۋدىڭ نەگىزى بولىپ تابىلادى. كرەمنيي القابىندا وكىلدىكتىڭ ىسكە قوسىلۋى يننوۆاسيالىق ورتانى دامىتۋعا، وزىق تەحنولوگيالارعا سۇرانىسى جوعارى جاھاندىق جەلىگە بىرىككەن شەتەلدىك ستارتاپتاردى تارتىپ، قازاقستاندىق ستارتاپتاردى وقىتۋعا ەسىك اشىپ وتىر»، - دەدى Global Venture Alliance باسقارۋشى سەرىكتەسى لەيرد كاگان. Almaty Tech Gardenء-نىڭ «استانا» حالىقارالىق قارجى ورتالىعىمەن ءوزارا ارەكەتتەسۋى  وسى شارالاردى جۇزەگە اسىرۋ كەزىندە ۇلكەن دەمەۋ جاساماق. 20 قىركۇيەك كۇنى استانادا Almaty Tech Garden، احقو جانە GVA بلوكچەين تەحنولوگياسىنا ارنالعان ەكوجۇيەنى قۇرۋ سالاسىندا ىنتىماقتاسۋ جونىندە مەموراندۋمعا قول قويدى. وسىعان قوسا، اقىلدى تەحنولوگيالاردى دامىتۋ ورتالىعى قۇرىلاتىن بولادى. ول IBM-مەن بىرلەسكەن «زياتكەرلىك جۇيەلەر»، EcoDomus جانە Autodesk-پەن بىرلەسكەن «BIM+ زەرتحاناسى»، بريتاندىق IntelliSense.io كومپانياسىمەن بىرلەسكەن «سيفرلىك ونەركاسىپ» سىندى ءۇش ورتالىقتان تۇراتىن بولادى. «IT-كۆارتالدى اشۋ ارقىلى ءبىز IT-كومپانيالارعا ورتاقتاسىپ، سينەرگەتيكالىق ناتيجەگە جەتۋگە مۇمكىندىك بەرەتىن جايلى ينفراقۇرىلىمدى قالا ىشىندە جاساپ بەرىپ وتىرمىز. ءبىز وسى الاڭدى باعدارلاماشىلارعا، يننوۆاتورلارعا، جاڭا يدەيالار، وزىق تەحنولوگيالار مەن تىڭ شەشىمدەردى جاساۋمەن اينالىساتىن جاسامپاز تۇلعالارعا ۇسىنىپ وتىرعانىمىزعا قۋانىشتىمىز. سونىمەن بىرگە، ءبىز «يتپ» اەا نەگىزىندە ماشينا جاساۋ، جاڭا ماتەريالدار، گەولوگيالىق بارلاۋ سىندى اۋىر ونەركاسىپتەردى يننوۆاسيالىق تۇرعىدا دامىتۋعا باعىتتالعان ەكوجۇيەنى دامىتۋدامىز. كەزەڭ-كەزەڭىمەن ارەكەت ەتە وتىرىپ، ءبىز يندۋستريا 4.0، جاڭا ماتەريالدار جانە ماشينا جاساۋ سىندى باعىتتارعا ارنالعان بىلىكتىلىك ورتالىقتارىن قالىپتاستىرىپ جاتىرمىز. سونداي-اق، اەا بازاسىندا گەولوگيالىق كلاستەردى قۇرۋ مۇمكىندىگى پىسىقتالىپ، جەر قويناۋىن پايدالانۋشى ءىرى ينۆەستورلاردى تارتۋ باعىتىندا جۇمىس جۇرگىزىلۋدە. وسىلايشا «يپت» اەا ەكونوميكانىڭ نەگىزگى سالالارىن سيفرلەندىرۋ جونىندەگى مىندەتتى جۇزەگە اسىرۋعا ارنالعان باستى قورلاردىڭ بىرىنە اينالۋى ءۇشىن قاجەتتى بىلىكتىلىكتەر مەن جاعدايلار جاسالۋدا»، - دەپ اتاپ ءوتتى Almaty Tech Garden باس ديرەكتورى سانجار كەتتەبەكوۆ. 

 انىقتاما:

 «يننوۆاسيالىق تەحنولوگيالار پاركى» اۆتونومدىق كلاستەرلىك قورى (Almaty Tech Garden برەندىمەن قىزمەت جاسايدى) - قازاقستان رەسپۋبليكاسىنىڭ ۇكىمەتى قۇرعان ۇيىم. «يننوۆاسيالىق تەحنولوگيالار پاركى» يننوۆاسيالىق كلاستەرى تۋرالى» زاڭعا سايكەس قىزمەتىن جۇرگىزەدى. «يتپ» اكق مارتەبەسى بەيكوممەرسيالىق ۇيىمعا جاتادى جانە دە «يننوۆاسيالىق تەحنولوگيالار پاركى» ارنايى ەكونوميكالىق ايماعىن باسقاراتىن ورگان بولىپ تابىلادى. «يتپ» اكق قىزمەتى يننوۆاسيالارعا دەگەن سۇرانىستى ىنتالاندىرۋ جانە شوعىرلاندىرۋعا، عىلىمي زەرتتەۋلەر مەن ستارتاپتاردى ينكۋباسيالاۋعا، سونداي-اق، جوعارى تەحنولوگيالىق كومپانيالاردى دامىتۋ ءۇشىن ينۆەستيسيالاردى تارتۋعا باعىتتالعان.

Global Venture Alliance. يننوۆاسيالاردى دامىتۋعا ارنالعان جەكەمەنشىك ەكوجۇيە، اكسەلەراسيالىق، ءبىلىم بەرۋشى باعدارلامالاردى، ۆەچۋرلىق جانە قايىرىمدىلىق قورلاردى، زەرتتەۋ ينستيتۋتتارىن بىرىكتىرەتىن حالىقارالىق حولدينگ. GVA توبىنىڭ ۆەنچۋرلىق قورلارىن باسقاراتىن GVA Capital ينۆەستيسيالىق كومپانياسى تەحنولوگيالىق كومپانيالارعا تىكەلەي ينۆەستيسيالار قۇيادى. كومپانيا كەڭسەسى اقش-تاعى سان-فرانسيسكو قالاسىندا ورنالاسقان. GVA ەكوجۇيەسىندە 60 مىڭ كاسىپكەر، 150 كاسىپقوي ينۆەستور، 30 سەرىكتەس قور، 40 كورپوراسيا شوعىرلانعان. GVA Capital $100 ملن-نان اسا اكتيۆتەردى باسقارادى. قورجىنىنداعى كومپانيالاردىڭ جالپى كاپيتالدانۋ كولەمى $5 ملرد. اسادى. قورجىنداعى 3 كومپانيا IPO-عا شىعىپ، تاعى ءبىر كومپانيا بيىل IPO-عا شىعۋعا دايىندالۋدا.