جاستار اراسىنداعى  «اڭسار»  بايقاۋىنا وتىنىشتەر قابىلداۋ باستالدى، دەپ حابارلايدى Qamshy.kz اقپارات اگەنتتىگى.

«اڭسار» رەسپۋبليكالىق ادەبي بايقاۋى ق ر ءدىن ىستەرى جانە ازاماتتىق قوعام مينيسترلىگىنىڭ قولداۋىمەن «Social Development Center» الەۋمەتتىك قورى ۇيىمداستىرىپ وتىر. بايقاۋعا جاس اقىندار مەن قالامگەرلەردەن وتىنىشتەر 11ء-شى قىركۇيەكتەن  11ء-شى قازان ارالىعىندا قابىلدانادى.  

جوبانىڭ ماقساتى - ەل جاستارىنىڭ شىعارماشىلىق الەۋەتىن دامىتىپ قانا قويماي، سونىمەن بىرگە جاس جۋرناليستتەر، جازۋشىلار مەن اقىنداردىڭ كاسىبي وسۋىنە جول اشۋ.  بايقاۋدىڭ تاعى ءبىر ماقساتى جۇرتشىلىقتى جۋرناليستيكا الەمىنە قادام باسقان قالامگەرلەردىڭ،  جازۋشىلار مەن اقىنداردىڭ جۇمىسىمەن تانىستىرۋ، قوعامداعى ەتنوسارالىق كەلىسىم مەن قازاقستان حالقىنىڭ  بىرلىگىن نىعايتۋعا ۇلەس قوسۋ بولىپ تابىلادى.

بايقاۋعا 14 جانە 29 جاس  ارالىعىنداعى جاستار قاتىسا الادى.  جۇمىستار  قازاق جانە ورىس تىلدەرىندە  ءۇش نوميناسيا بويىنشا قابىلدانادى. نوميناسيالار - «شاعىن پروزا»، «پوەزيا» جانە «پۋبليسيستيكا». قاتىسۋ ءۇشىن  وتىنىشدەر www.konkursansar.kz ەلەكتروندى سايتى ارقىلى قابىلدانادى.

بايقاۋ بارىسىندا قازىلار القاسى استاناداعى سالتاناتتى راسىمگە جولداما الاتىن  50 ۇزدىك جۇمىستى تاڭدايدى. بايقاۋ جەڭىمپازدارى 3 نوميناسيا بويىنشا  660 مىڭ تەڭگەگە يە بولادى.