قازاقستاندىق جازۋشى نۇرعالي وراز تۇركى حالىقتارى اراسىندا جاريالانعان ماحمۇد قاشعاري اتىنداعى سىيلىقتىڭ ءبىرىنشى ورنىنا يە بولدى.
قازاقستان جازۋشىلار وداعى جانىنداعى “قالامگەر-مەديا” ورتالىعىنىڭ ديرەكتورى جاناربەك ءاشىمجاننىڭ ازاتتىققا ايتۋىنشا، نۇرعالي ورازعا سىيلىق ازەربايجان استاناسى باكۋدە بەرىلگەن. جىل سايىن بەرىلەتىن بۇل سىيلىقتى تۇركى حالىقتارىنىڭ ەۋرازيا جازۋشىلار وداعى تاعايىنداعان. بايگەگە تۇرىك، قازاق، ازەربايجان، تاتار، باشقۇرت، تۋۆا، ساحا، ياكۋت جانە باسقا دا حالىقتاردىڭ جازۋشىلارى قاتىسقان.
“نۇرعالي وراز بۇعان دەيىن قازاق جازۋشىلارى اراسىندا جاريالانعان بايگەگە دە العاشقى ورىن العان” دەيدى جاناربەك ءاشىمجان.
نۇرعالي وراز “اياقتالماعان ەرتەگى”، “دالادان قالاعا كەلگەندەر”، “بيىكتەگى سۇلۋلىق”، “تۇنگى جالعىزدىق” دەپ اتالاتىن اڭگىمەلەر مەن پوۆەستەر جيناعىنىڭ اۆتورى.
