قازىرگى تاڭدا قازاق قوعامى  جاھاندانۋ دەڭگەيىنە ءوتىپ،نىق قادام باسىپ كەلەدى. زاماناۋي تەحنولوگيانىڭ دامىعانى سول، اقپاراتتىق جانە كوممۋنيكاتيۆتىك كەزەڭىن باستان كەشىرىپ، يننوۆاسيالىق تەحنولوگيالار ءوز كۇشىنە ەنۋدە. سوعان وراي اقپارات تاراتۋ تۇرلەرى، حالىقارالىق ستاندارتتار، قۇقىقتىق جانە ەتيكالىق نورمالار جۋرناليستيكا سالاسىندا ەرەكشە ورىن الاتىنى بەلگىلى. 

كەز كەلگەن ايماق پەن مەكەمەدەگى ءاربىر ءتىلشىنىڭ وسى «يننوۆاسيا»، ياعني «اقپارات الەمىندە» وزىنە قورعانىس قىزمەتىن قامتاماسىز ەتۋ ماڭىزدى بولسا كەرەك. وسىعان بايلانىستى جەلتوقساننىڭ 2 جۇلدىزىندا ءال-فارابي اتىنداعى قازاق ۇلتتىق ۋنيۆەرسيتەتى جۋرناليستيكا فاكۋلتەتىندە «حالىقارالىق-قۇقىقتىق جۋرناليستيكا ماسەلەلەرى: وتاندىق جانە حالىقارالىق تاجىريبەلەر» تاقىرىبى اياسىندا دوڭگەلەك ۇستەل ءوتتى. اتالمىش شارا يۋنەسكو، حالىقارالىق جۋرناليستيكا جانە قوعاممەن بايلانىس كافەدراسىنىڭ اعا وقىتۋشىسى شاريپا نۇرجانوۆانىڭ باسشىلىعىمەن ۇيىمداستىرىلعان بولاتىن.

دوڭگەلەك ۇستەلدىڭ وتكىزىلۋ ماقساتى ۋنيۆەرسيادا دەڭگەيىندە باسقا جوو-مەن تىعىز قارىم-قاتىناستى نىعايتىپ، اۋىزبىرشىلىك پەن دوستىق بايلانىسىن ورناتۋ بولسا كەرەك. سوعان وراي، حالىقارالىق بيزنەس ۋنيۆەرسيتەتى، تۇران، سۇلەيمان دەميرەل اتىنداعى ۋنيۆەرسيتەتى جانە حالىقارالىق تەحنولوگيالار ۋنيۆەرسيتەتى دوڭگەلەك ۇستەلدىڭ قوناعى رەتىندە شاقىرىلعان ەدى. بەرىلگەن تاقىرىپ نەگىزىندە: 1. جۋرناليستەردىڭ اقپاراتقا قولجەتىمدىلىگى؛ 2. باق-ڭ حالىقارالىق بايلانىسقا اسەرى؛ 3. قۇقىقتىق جۋرناليستيكا ماسەلەلەرى سياقتى ساۋالدار قاراستىرىلدى. وسى ورايدا سۇلەيمان دەميرەل اتىنداعى ۋنيۆەرسيتەت، جۋرناليستيكا فاكۋلتەتىنىڭ كافەدرا مەڭگەرۋشىسى ەسەنگۇل كاپ قىزى جانە قۇقىقتىق جۋرناليستيكا سالاسىندا قىزمەت ەتىپ كەلە جاتقان سەرىك جۇمابەك ۇلى ساراپشى رەتىندە دوڭگەلەك ۇستەلگە قاتىسىپ، بار ويى مەن تاجىريبەلەرىن ورتاعا سالدى. ستۋدەنتتەر اتاۋلى شارا بارىسىندا  وي ءبولىستى، ساۋال قويىستى..ءبىر سوزبەن، ستۋدەنتتەر بەلسەندىلىك تانىتتى.

سونىڭ ناتيجەسىندە ەڭ ۇزدىك جانە بەلسەندى دەگەن ستۋدەنتتەردىڭ قاتىسقانىنا ماراپات گراموتاسىن تابىستاۋ ءراسىمى وتكىزىلگەنىن دە ايتا كەتكەن ءجون. ماراپات گراموتاسىنان تىس ريزا بولعان وقىتۋشىلار قاتىسۋشىلارعا كىتاپ سىيعا تارتتى. كەزدەسۋدى قورىتىندىلاي كەلە قوناقتار كوفە-برەيككە قاراي ءوتىپ، بارلىق ۋنيۆەرسيتەت ستۋدەنتتەرى بىر-بىرىمەن جاقىن تانىسا باستادى. جالپى، دوڭگەلەك ۇستەل ءوز دارەجەسىندە ءوتتى دەپ سەنەمىز. الداعى ۋاقىتتا مۇنداي ماقساتتاعى شارالار كوبەيە بەرسە يگى بولعاي.

اقنۇر جولامانوۆا