«فەدەرالدىق جولاۋشىلار كومپانياسى» ااق («رەسەي تەمىر جولدارى» ااق ەنشىلەس كاسىپورنى) 2014 جىلعى 14 جەلتوقساننان باستاپ ءبىر جىلعا ۋكرايناعا، قازاقستانعا، ازەربايجانعا جانە تاجىكستانعا پويىزداردى توقتاتادى، دەپ حابارلادى تاسس.

«پويىزداردى الىپ تاستاۋ تۋرالى شەشىم 2014-2015 جىلدارعا ارنالعان قوزعالىس كەستەسىنە تۇزەتۋ اۋقىمىندا قابىلداندى جانە بۇل باعىتتار بويىنشا تاسىمالداردىڭ تومەن رەنتابەلدىلىگىمەن بايلانىستى»، دەدى رتج وكىلى. ونىڭ ايتۋىنشا، ەگەر بۇرىن جولاۋشىلار پويىزدارى قوزعالىسىنىڭ كەستەسى جازعى ۋاقىتتا ەنگىزىلگەن بولسا، ەندى جەلتوقساندا تۇزىلەدى. ءسويتىپ، پويىزداردى الىپ تاستاۋ كەمىندە ءبىر جىلعا قابىلداندى. «الايدا كەستە جەلىسى قالادى، ياعني، قاجەتتىگىنە قاراي پويىزدار شىعارىلادى»، - دەپ اتاپ كورسەتتى اگەنتتىك سۇحباتتاسۋشىسى. ول پويىزداردى الىپ تاستاۋ جونىندەگى شەشىم بەلارۋس، وزبەكستان، مولدوۆا جانە ابحازيا باعىتتارىنداعى قاتىناستار تاسىمالدارىنا قاتىستى ەمەس ەكەنىن ناقتىلادى.

قازاقپارات