ماسكەۋدە جاستار اراسىندا قازاق اندەرىنىڭ «التىن كۇز - 2014» فەستيۆال-بايقاۋى ءوتتى. ماسكەۋ، ساراتوۆ، ومبى، بۋرياتيا، قىرعىزستان جانە قازاقستاننىڭ نامىسىن قورعاعان 30 ونەرپازدىڭ اراسىنان ىرىكتەلگەن 14ء-ى ۆوكالدىق ونەرىن، مۋزىكالىق اسپاپتاردا ويناۋ شەبەرلىگىن، سونىمەن قاتار قازاق حالقىنىڭ داستۇرلەرىن قانشالىقتى بىلەتىنىن ورتاعا سالدى.

ۇيىمداستىرۋشىلار اتاپ وتكەندەي، شارانىڭ ماقساتى - رەسەي مەن قازاقستان جاستارىنىڭ بايلانىستا بولۋى، دارىندى جاستاردى انىقتاۋ.

قازىلار القاسىنىڭ قۇرامىنا ق ر ەڭبەگى سىڭگەن قايراتكەر، «ا-ستۋديو» توبىنىڭ نەگىزىن قالاعان پروديۋسەر بايعالي سەركەبايەۆ، قازكسر مادەنيەت قايراتكەرى، ءانشى، حالىقارالىق بايقاۋلاردىڭ لاۋرەاتى تاتيانا پولتاۆسكايا، «مۋز-تۆ» رەسەيدىڭ ۇلتتىق مۋزىكالىق ارناسىنىڭ باس ديرەكتورى ارمان داۆلەتياروۆ جانە ت.ب. رەسەي مەن قازاقستاننىڭ مۋزىكا الەمىندەگى بەلگىلى قايراتكەرلەرى كىردى.

قازىلار القاسىنىڭ شەشىمىمەن «التىن كۇز - 2014» بايقاۋىندا 1 ورىنعا - ايجان نۋسۋۆالييەۆا (قىرعىزستان)، 2 ورىنعا - ەرلان تۇلەنوۆ (قازاقستان)، 3 ورىنعا - ينديرا مامبەتوۆا (قازاقستان) يە بولدى. سايان داشانيمايەۆ (بۋرياتيا) كورەرمەندەر كوزايىمىنا اينالدى.

 «التىن كۇز - 2014» بايقاۋى رف-داعى ق ر ەلشىلىگىنىڭ، ماسكەۋدەگى ايماقارالىق ىنتىماقتاستىق، ۇلتتىق ساياسات جانە ءدىني ۇيىمدارمەن بايلانىس دەپارتامەنتىنىڭ قولداۋىمەن، سونىمەن قاتار «موسكوۆسكيي دوم ناسيونالنوستەي»  ماسكەۋدىڭ مەملەكەتتىك بيۋدجەتتىك مەكەمەسى جانە ميسيس  ۇزتۋ مادەنيەت جانە جاستار ساياساتى باسقارماسىنىڭ مۇرىندىق بولۋىمەن ۇيىمداستىرىلدى.

"قازاقپارات" 

سۋرەت: academygps.ru/