قازاق استىعى مىسىر ارقىلى پارسى شىعاناعى مەن افريكا ەلدەرىنە جەتكىزىلەدى. بۇل تۋرالى بۇگىن اقوردادا ق ر پرەزيدەنتى نۇرسۇلتان نازاربايەۆقا سەنىم گراموتاسىن تاپسىرۋ راسىمىنەن كەيىنگى بريفيگتە قازاقستانداعى  مىسىر اراب رەسپۋبليكاسىنىڭ توتەنشە وكىلەتتى ەلشىسى حايسام سالاح كامەل يبراگيم ءمالىم ەتتى.

«قازىرگى كەزەڭ ەكىجاقتى قاتىناستاردىڭ جوعارى دەڭگەيگە كوتەرىلۋىمەن ەرەكشەلەنەدى. بۇعان دالەل رەتىندە وسى جىلعى قازانداعى مىسىردىڭ ەكونوميكا جانە ساۋدا ءمينيسترىنىڭ استانا قالاسىنا رەسمي ساپارىن اتاپ وتكەن ورىندى.  مىسىردىڭ دۋميات قالاسىندا استىق ساقتاۋ جانە  ساتۋعا ارنالعان حالىقارالىق لوگيستيكالىق ورتالىقتىڭ قۇرىلۋى دا وسى ساپاردىڭ وزەكتى ناتيجەلەرىنىڭ ءبىرى. بۇل ورتالىق تاياۋ شىعىس، پارسى شىعاناعى، افريكا ەلدەرىن استىقپەن قامتاماسىز  ەتەتىن ورتالىق بولادى. سونىمەن قاتار  بۇل ورتالىق قازاقستان استىعىنىڭ  جاڭا نارىقتارعا شىعۋىنا شەكسىز مۇمكىندىك بەرەدى»، - دەدى ەلشى.

ونىڭ اتاپ وتۋىنشە، بۇعان دەيىن قازاقستان  استىعىن اتالعان ەلدەردىڭ نارىعىنا شىعارۋدا كولىك شىعىندارى جوعارى ءارى ارا قاشىقتىق شالعاي  بولعان ەدى. ال ەندىگى ۋاقىتتا مىسىردا حالىقارالىق لوگيستيكالىق ورتالىقتىڭ اشىلۋى ەكى ەل اراسىنداعى ەكونوميكالىق ىنتىماقتاستىقتىڭ دامۋىنداعى الەۋەتتى جاڭا سالا بولماق.

«3 ملن. 100 شارشى مەتر اۋماققا سالىناتىن، قۇنى  2،5 ملرد. دوللاردى قۇرايتىن مىسىر ۇلتتىق جوباسى جاڭا قويمالار سالۋعا ارنالعان. ونىڭ باستاپقى كەزەڭدەگى مۇمكىندىگى جىلىنا 7،5 ملن. توننا استىقتى ساقتاۋعا ارنالعان. ال بولاشاقتا ونىڭ سىيىمدىلىعى جىلىنا 65 ملن.  توننا استىق پەن باسقا دا ازىق-تۇلىك تاۋارلارىن ساقتاۋعا ارنالاتىن بولادى»، - حايسام سالاح كامەل يبراگيم.

"قازاقپارات"