ادامنىڭ ءوز يگىلىگى ءۇشىن ىستەگەن ەرلىكتەرىنىڭ نەگىزىندە – قۇمارلىق، ءناپسى، پاراساتتىڭ تاكاپپارلىعى، وسىلاردان شىعاتىن اتاققۇمارلىق، پايدا، ماقتان جاتىر. اباي مۇنىڭ ءبارىن —«شايتان ءىسى» دەر ەدى.
شايتان قاي ىستە دە — قوزعاۋشى، تۇرتكى. شايتانسىز ادام — ارەكەتسىز، فاۋستىڭ جانىندا مەفيستوفەل بەكەرگە جۇرگەن جوق. ادام — شايتان مەن پەرىشتەنىڭ تىلسىم ديالوگى. ادام جانى — شايتان مەن پەرىشتەنىڭ ماڭگى بىتپەيتىن قيان-كەسكى شايقاس الاڭى. بويىنا ولشەۋسىز ونەر، قيساپسىز قۇمارلىق سيعان تۇلعانىڭ — شايتانى دا زور. كەمەڭگەرگە — قيىن! اللا جاراتقان ولەڭدە ماعىناسىز ەشتەڭە جوق. اللا شايتاندى دا ءبىر مانىسپەن جاراتقان. شايتان — ابسوليۋتتىك يدەيا. شايتانسىز — پەرىشتە دە جۇمىسسىز. ادام ءوزىن جەتىلدىرۋ ارقىلى پەرىشتەسىنىڭ كوڭىلىن كوتەرەدى، مەرەيىن ۇستەم قىلادى. ءبىراق، شايتانسىز — پەرىشتەدە ەشقانداي مەرەي، ياعني ماعىنا جوق. قۇداي شايتانعا دا ادامگەرشىلىكپەن قارايدى. بۇل — مەفيستوفەلدىڭ پىكىرى. فاۋستىڭ جانىندا ول، شىنىندا، بەكەر جۇرگەن جوق. اڭىزداعى پاگانيني جانىن ازازىلگە ەرىككەننەن ساتقان جوق. مەفيستوفەل — امبەباپ شايتاننىڭ ءبىر ماعىناسى. تاعى قانداي ماعىنالارى بار — اللا ءوزى بىلەدى. پەرىشتەنىڭ كوڭىلى وسكەن سايىن «مۇڭدى شايتاندا» تىنىم جوق. ءبىر سات قاراپ وتىرمايدى — كەتىگىڭدى وڭاي تابادى. قاي جاعىڭ ءالسىز — شايتان سوندا. شايتان — تالماس جىگەر، مۇقالماس قاجىر يەسى. تاپقىر، ۇشقىر، ەلەزەك، تاباندى... بۇل سيپاتتى سايىپقىران سايتاننان يەندە ءقايتىپ-اق ايىرىلا قويسىن؟! ايىرىلمايدى! شايتان — كەرەك. وسىنشا مىقتى، پىسىق، شايتان — سەنىڭ السىزدىگىڭ. ءالسىز، قايراتسىز — ءناپسىنىڭ ق ۇلى. پەندە ءالسىز بولۋعا قۇشتار. نەگە؟ شايتان ءبىلسىن!..دايىنداعان: م.جوشى
