«Passenger Drone» كومپانياسى ەۋروپادا العاشقى جولاۋشىلار درونىنا سىناق جاسادى،- دەپ حابارلايدى Qamshy.kz اقپارات اگەنتتىگى.

دروندى جولاۋشىنىڭ ءوزى باسقارا الادى، وعان باراتىن جەردىڭ ادرەسىن ەنگىزسە بولدى، ول تاپ سول جەرگە اۆتوماتتى تۇردە ۇشىپ بارادى. بۇل ترانسپورتتىڭ سۋ جاڭا ءتۇرى جولاۋشىلاردى كەپتەلىستەردە تۇرماۋعا جانە ەشقانداي شۋسىز تەز ارادا تاسىمالداۋعا نەگىزدەلگەن. درونعا ەكى جولۋشى سىييادى جانە كەيدە قولمەن باسقارۋعا بولادى.

«Passenger Drone»، «Ehang 184» جانە «Volocopter» كومپانيالارى دۋباي نارىعى ءۇشىن تالاسۋدا، ويتكەنى بۇل مەملەكەت العاشقىلاردىڭ ءبىرى بولىپ «ۇشاتىن تاكسيدى» ناعىز قالا جاعدايىندا تەكسەرىپ كورۋگە كەلىسىمىن بەرگەن.

«مۇنداي اۋە كولىگىمەن ۇشۋ ۋاقىتى 30-35 مينۋتتى قۇرايدى جانە ساعاتىنا 50 شاقىرىم جىلدامدىقپەن قوزعالادى»،- دەدى «Passenger Drone» كومپانياسىنىڭ وكىلى پيتەر دەلكو.

وعان قوسا، دەلكو مىرزا كومپانيا شىعارعان اۋە كولىگىنىڭ رەسمي كورسەتىلىمى كەلەسى جىلدىڭ قاڭتار ايىنداعى قولدانۋشىلارعا ارنالعان ەلەكترونيكالىق شوۋدا (CES) جانە ەۋروپا مەن اقش-تا وتەتىن باسقا دا شارالاردا بولاتىندىعىن ايتتى.