ەل تاۋەلسىزدىگىنىڭ ارقاسىندا اتاجۇرتقا ورالعان قانداستارىمىزدىڭ ۇزىن سانى 1 ميلليوننان استى. دەگەنمەن، 5 ميلليونعا جۋىق باۋىرلارىمىز ءالى دە جات جۇرتتىڭ توپىراعىندا ءومىر سۇرۋدە. ءبىر وكىنەرلىگى – قازىرگە دەيىن قازاق ەلىنە تۋىن تىككەن «ورالمان» باۋىرلارىمىزدىڭ نەمەسە شەتەل قازاقتارىنىڭ قۇقىعىن قورعايتىن ءبىر مەكەمە قۇرىلعان جوق. "وتانىم- ەلىم" حالىقارالىق زاڭگەرلىك كومپانياسى سول ولقىلىقتىڭ ورىنىن تولتىرۋدى كوزدەيدى.

 جاسىراتىنى جوق، قازاق ەلىندەگى ەڭ وزەكتى ماسەلەلەردىڭ ءبىرى – ورالماندار ماسەلەسى. تۇراقتى تىركەۋگە تۇرۋدىڭ ماشاقاتىن تارتاتىن، ۆيزاسىن ۇزارتا الماي شىر-پىر بولاتىن، ازاماتتىققا قۇجات تاپسىرۋدىڭ مىڭ سان قيىندىعىن كورەتىن سولار. ءتىپتى جەكە باس مۇلكىنە بايلانىستى دا كوپتەگەن كەلەڭسىزدىكتەرگە دۋشار بولىپ جاتادى. مۇنىڭ بارلىعى ورالمان ماسەلەسىمەن اينالىستىن ارنايى ورگاننىڭ جوقتىعىنان بولسا كەرەك. كومپانيا باسشىسى بەلگىلى زاڭگەر ومار سايد«وتانىم-ەلىم» دەگەن اتتىڭ بەكەرگە قويىلماعانىن، وتانىم-ەلىم دەپ كەلگەن كەز كەلگەن ازاماتقا قولداۋ كورسەتەتىنىن ايتتى. 

ومار مىرزانىڭ ايتۋىنشا بۇل قازاقتىڭ قۇقىن قورعايتىن حالىقارالىق العاشقى ۇيىم. اتالمىش كومپانيا ساۋدا ەكونوميكالىق جانە مادەني بايلانىستاردى دامىتۋ جونىندەگى قازاقستان جانە جۇڭگو ۇكىمەتى اراسىنداعى مەملەكەتارالىق كەلىسىمدەر شەڭبەرىندە قازاقستان ازاماتتارىنا، قىتايدان ورالعان قازاق قانداستارعا قۇقىقتىق كومەك كورسەتەدى. اتاپ وتەر بولساق:

1.تەگىن زاڭدىق كەڭەس بەرۋ.

2.بانك جانە ميكرو كرەديتتىك ۇيىمداردان العان كرەديتتەردىڭ تولەۋ مەرزىمىن ايىپپۇلسىز ەكى جىلعا دەيىن كەشىكتىرىپ وتەۋگە مۇمكىندىك جاراتىپ بەرۋ.

3.شەتەلدەن ورالعان قانداس كاسىپكەرلەردىڭ قۇقىقتارىمەن مۇددەلەرىن قورعاۋ.

4.قازاقستان رەسپۋبليكاسىندا مەملەكەتتىك ورگاندارىمەن سوتتارىندا زاڭدى وكىلدىك قورعاۋشى قىزىمەت كورسەتۋ.

5.قازاقستاندىق جانە شەتەلدىك كاسىپكەرلەر اراسىندا ىسكەرلىك، ارىپتەستىك قاتىناستار ورناتۋ جانە دامىتۋعا جاردەمدەسۋ.

6.جەر تەلىمدەرىن، جىلجىمايتىن مۇلىكتەردى تىركەۋ جانە قايتا تىركەۋدەن وتكىزۋ جۇمىستارى.

7.قۇرىلىس وبەكتىلەرىن زاڭداستىرۋ.

8.جەردى تۇرعىن ءۇي قورىنان شىعارىپ كاسىپكەرلىك ورىنعا اينالدىرۋ.

 9.ميگراسيالىق قىزىمەتتەر، شەتەلدەن ورالعان قانداستارىمىزعا ازاماتتىق الىپ بەرۋ، ىقتيارحات الۋعا جاردەمدەسۋ..

10.شەتەلدىك ازاماتتاردى تىركەۋ.

11.شەتەلدىك ازاماتتاردى ۆيزالىق قولداۋ.

12.جەكە كاسىپكەرلىكتى باستاۋعا قۇجاتتىق زاڭدىق كومەكتەر كورسەتۋ.

13.احاج بولىمىندە قۇجات راسىمدەۋ.

14.ليسەنزيالىق بارلىق قىزىمەت تۇرلەرىنە ليسەنزيا الىپ بەرۋ.

15.جۇڭگو حالىق رەسپۋبليكاسىنان جۇكتەردى، تاۋارلاردى قازاقستان اۋماعىنا، تمد ەلدەرى اراسىندا تاسۋ، جەتكىزۋ جۇمىستارىمەن ونى باقىلاۋ.

16.ساقتاندىرۋدىڭ بارلىق تۇرلەرى.

17.سالىقتىق كومەك كورسەتۋ جانە باقىلاۋ

18.زاڭدى تۇلعالاردى تىركەۋ جانە قايتا تىركەۋ.

قاراپ وتىرساڭىز، بار قازاققا كەرەك قىزمەتتەر. قولىندا ونەرى، جەتكىلىكتى قاراجاتى بولسا دا، كاسىپكەرلىكپەن اينالىسۋدىڭ جولىن تابا الماي جۇرگەن قانداستارىمىزعا ايتارلىقتاي باعىت-باعدار بولاتىنى ءسوزسىز. ءبىز تەك «وتانىم-ەلىم» دەگەن اتتى ارقالاعان زاڭگەرلەر توبىنىڭ ەل ەرتەڭى ءۇشىن جاساپ جاتقان جۇمىستارىنىڭ شىنايى بولۋىنا تىلەكتەسپىز. «ءبىرىڭدى قازاق ءبىرىڭ دوس، كورمەسەڭ ءىستىڭ ءبارى بوس» دەگەن اباي ءسوزى ءار قازاقتىڭ جادىندا بولسا ەكەن.

 حازىرەت ءابدىلدا