استانادا 25 قازاندا جاڭادان قۇرىلعان "قازاقستان مەديا اليانسى" قوعامدىق بىرلەستىگىنىڭ العاشقى قۇرىلتاي جيىنى ءوتتى. بۇل جيىندا ارمانجان بايتاسوۆ “قازاقستان مەديا اليانسىنىڭ" باسقارما ءتوراعاسى بولىپ سايلاندى. بىرلەستىك بيىل قازاننىڭ باسىندا رەسمي تۇردە تىركەلگەن ەدى.

جيىندا قوعامدىق بىرلەستىكتى قۇراستىرۋشىلاردىڭ ءبىرى ارمانجان بايتاسوۆ ب ا ق، باسپا ءسوز، مەديا-مەنەدجەر قىزمەتكەرلەرىنىڭ جاڭا كاسىبي ۇيىمى مەديا-قوعامداستىق جانە PR سالاسىنىڭ وكىلدەرىن، مادەنيەت، ءبىلىم جانە ساياسات قىزمەتكەرلەرىن بىرىكتىرۋگە جۇمىس ىستەيتىنىن ايتتى،-دەپ Qamshy.kz اقپارات اگەنتتىگى ازاتتىق سايتىنا سۇيەنە وتىرىپ جازادى.

قۇرىلتايشىلارىنىڭ ايتۋىنشا، "قازاقستان مەديا اليانس" جۋرناليست بوستاندىعى مەن قۇقىعىن جانە ب ا ق تاۋەلسىزدىگىن قورعاۋ، قازاقستان جۋرناليستەرىن الەۋمەتتىك قورعاۋدى، شەتەلدەگى جۋرناليستەر مەن باق-تىڭ قوعامدىق بىرلەستىكتەرىمەن حالىقارالىق بايلانىستى دامىتۋ ءۇشىن قۇرىلعان. ۇيىم بۇعان قوسا مەديا-قوعامداستىق قىزمەتىن رەتتەيتىن ءقۇقىقتىق-نورماتيۆتى اكتىلەردى دايارلاۋعا قاتىسپاق.

قازاقستان مەديا اليانسىنىڭ قۇرامىنا قازاقستاننىڭ ب ا ق، PR باسشىلارى، بەلگىلى جۋرناليستەر مەن بلوگەرلەر، مەديابيزنەس، جارناما جانە باسپا ءسوز سالاسىنىڭ وكىلدەرى كىرگەن. ولاردىڭ ىشىنە: باتىر قازىبايەۆ، ەرلان بەكحوجين، ەرلان كارين، شامشيدين پاتەيەۆ، نۇرتورە ءجۇسىپ، نۇرجان مۋحمەدجانوۆا، دانا ورمانبايەۆا، ايدار جۇمابايەۆ، ۆيكتور كيانيسا، ميحايل دوروفەيەۆ، ارمان شۋرايەۆ، بەيبىت الىبەكوۆ جانە اسقار وماروۆتار بار.

ارمانجان بايتاسوۆ: «مەديا اليانس باق-ا قىزمەت ەتەتىن كەز كەلگەن ءجۋرناليستىڭ قۇقىعىن قورعاۋ ءۇشىن ايانباي جۇمىس ىستەيدى»،-دەدى. وعان قوسا بايتاسوۆ قازىرگى كەزدە مەديا اليانستىڭ ءۇش ماسەلەگە باسا نازار اۋدارىپ وتىرعانىن اتاپ ءوتتى، ونىڭ ءبىرى: «ب ا ق تۋرالى زاڭدى قايتا قاراۋ ۇسىنىسى، بۇل تاقىرىپ سوڭعى كەزدە كوتەرىلىپ جۇرگەن ماڭىزدى ماسەلەلەردىڭ ءبىرى. سوندىقتان جاقىن ارادا وزگەرەتىن بۇل زاڭناماعا بىزدەر دە ءوز ۇلەسىمىزدى قوسقىمىز كەلەدى. قازىرگى كەزدە ءبىزدىڭ ۇيىم اقپارات جانە كوممۋنيكاسيا مينيسترلىگىمەن تىعىز قارىم-قاتىناستا. مەنىڭ ويىمشا، مينيسترلىككە دە زاڭدى مىقتاپ تۇسىنەتىن ساپالى سەرىكتەس كەرەك»،- دەدى.