قازاقستان ۋكرايناعا گۋمانيتارلىق كومەك جىبەرەدى، - دەپ حابارلايدى تengrinews.kz ءتىلشىسى ق ر سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ.

باسپا ءسوز قىزمەتىنىڭ مالىمەتىنشە، 2014 جىلعى 19 جەلتوقسان كۇنى ق ر ۇكىمەتىنىڭ "ۋكراينانىڭ وڭتۇستىك-شىعىس ايماقتارىنا گۋمانيتارلىق كومەك كورسەتۋ تۋرالى" قاۋلىسى قابىلداندى. "قازاقستان رەسپۋبليكاسىنىڭ پرەزيدەنتى ن.ءا. نازاربايەۆتىڭ ۋكراينانىڭ وڭتۇستىك-شىعىس ايماقتارىنا گۋمانيتارلىق كومەك جولداۋ تۋرالى شەشىمىن ورىنداۋ ماقساتىندا قازاقستان رەسپۋبليكاسىنىڭ ۇكىمەتى قارجىلىق جانە ماتەريالدىق رەسۋرستار ءبولدى"، - دەلىنگەن حابارلامادا.

قاۋلىعا سايكەس، ەلىمىزدىڭ مەملەكەتتىك ماتەريالدىق رەزەرۆىنەن جالپى سوماسى 69 727 875 تەڭگە بولاتىن ازىق-تۇلىك ۋكرايناعا جولداناتىن بولادى. 

2014 جىلى 6 قازاندا ق ر سىرتقى ىستەر مينيسترلىگى ۋكراينانىڭ گۋمانيتارلىق قاجەتتىلىكتەرى ءۇشىن قىزىل كرەستتىڭ حالىقارالىق كوميتەتىنە 30 مىڭ اقش دوللارىن قازاقستاننىڭ مۇشەلىك جارناسى رەتىندە تولەۋ ءۇردىسىن اياقتادى.

سۋرەت: kazpravda.kz