اقش كورەيالىق Sony Pictures Entertainment كينوكومپانياسى تۇسىرگەن «سۇحبات» ءفيلمىن سىناعاننان كەيىن سولتۇستىك كورەيا ون نەشە ساعات بويى عالامتور جۇيەسىنە قوسىلا المادى. كينودا كوشباسشى كيم چەن ىن-عا جاسالعان قاستاندىق تۋرالى باياندالعان. بۇل تۋرالى شەت ەلدىك ب ا ق جازادى.
امەريكالىق ساراپتامالىق اگەنتتىكتىڭ Twitter-دەگى پاراقشاسىندا عالامتور بايلانىسى 9 ساعات 34 مينۋتتا ىسكە قوسىلعانىن جازعان بولاتىن. كورەيانى عالامتور جۇيەسىمەن قامتاماسىز ەتەتىن 4 رەسمي نىسانداعى اقاۋلىق جەكسەنبى كۇنى بايقالا باستاعان. Dyn Researsh اگەنتتىگىنىڭ ديرەكتورى دۋگا مەيدوري: «ادەتتە عالامتور بايلانىسىندا از ۋاقىتتى قامتيتىن اقاۋلىقتار بولىپ تۇراتىن. الايدى بۇل جولعى عالامتوردىڭ ىستەن شىعۋى الدىڭعى تاجىريبەلەرگە مۇلدەم ۇقسامايدى،»-دەيدى. اقش-ىڭ مەملەكەتتىك دەپارتامەنتى بۇل ىسكە قاتىسى بار-جوعى جونىندە اقپارات بەرۋدەن باس تارتتى.
