2015 جىل - قازاق حاندىعىنىڭ 550 جىلدىعىن تويلايمىز. مۇنى ەلباسى نۇرسۇلتان نازاربايەۆ ايتتى، جۇرت ءبىر اۋىزدان قولدادى. اتقارىلاتىن ءىس-شارالار دا اۋقىمدى. ءبىر جىل بويى رەسپۋبليكا كولەمىندە ەلدىكتى تويلايمىز. «قامشى» اقپاراتتىق پورتالى دا ءوز الىنشە شىعارماشىلىق بايگە جاريالاپ، الاش دەيتىن ازاماتتاردىڭ كومەگىمەن 1،5 ميلليون تەڭگە جۇلدە تاعايىندادى.  ءسويتىپ، جەر-جەردە، ەل-ەلدە ءيسى قازاقتىڭ ءبارى ەلەڭدەپ وتىر.

ارينە، دۇرىلدەتىپ توي تويلاۋ، ات شاپتىرىپ، بايگە بەرۋ - قازاق تويىنىڭ ەجەلدەن كەلە جاتقان ەسكى ءداستۇرى. تاريحتاعى بالەنشەنىڭ اسى، تۇگەنشەنىڭ تويى دەگەن ايتىلىمدار سودان قالعان. ال 2015 جىل – كەرەي مەن جانىبەك حانعا اس بەرەيىك دەپ وتىرعان جوقپىز. ەلدىگىمىزدى، تاريحىمىزدى تۇگەندەيىك، بارىمىزدى بار دەپ، جوعىمىزدى ىس-تۇتەكتەن ارشىپ الايىق دەپ وتىرمىز. ەندەشە، 2015 جىل شىن مانىندەگى ەلدىكتىڭ تويى بولسىن دەسەك، تاريحىمىزعا كۇيە، سۇيەگىمىزگە تاڭبا بولىپ كەلە جاتقان پەتروپاۆل مەن پاۆلودار اتاۋىن  وزگەرتۋ كەرەكپىز. ەكى وبلىس حان كەرەي مەن حان جانىبەك اتانىپ، وبلىس ورتالىقتارى قىزىلجار مەن كەرەكۋ اتىن السا بابالار مەن ۇرپاقتار الدىنداعى ءبىر پارىزمىزدى ورىنداعان بولار ەدىك.

بۇل ۇسىنىس بىرلىگى جاراسىپ، سۇتتەي ۇيىپ وتىرعان قازاقستانداعى ءارتۇرلى ۇلت وكىلدەرىنىڭ دە كوڭىلىنەن شىعار دەپ ويلايمىز. اسىرەسە، «ەل بىرلىگىن» تۋ ەتكەن قازاقستان حالىقتارى اسسامبلەياسى قوس قولداپ قۋاتتايدى دەگەن سەنىمدەمىز.

تۇردىبەك قۇرمەتحان