اقش-تىڭ قىلمىستىق ىستەردى تەرگەۋ اگەنتتىگى «كوپشىلىك ءبىلۋى ءتيىستى ەمەس مالىمەتتەردىڭ» تاراپ كەتپەۋىن قاداعالاپ، روبەرتتى تەكسەرۋدەن وتكىزەتىندىكتەرىن مالىمدەگەن. روبەرت و نيل ءوزىن 2011 جىلعى وپەراسيا كەزىندە «ال كايدا» تەرروريستىك ۇيىمىنىڭ كوسەمىن اتىپ ولتىرگەنىن مالىمدەگەن بولاتىن.
روبەرت بەن لادەندى ولتىرگەنى تۋرالى Esquire جۋرنالىنا بەرگەن سۇحباتىندا ايتقان. ول مەرزىمىنەن بۇرىن قىزمەتىنەن بوساپ، الەۋمەتتىك تولەماقىلاردان ايىرىلۋى سەبەپتى بۇل اقپاراتتى جاريالاعان بولاتىن. «ءبىز بەن لادەننىڭ بولمەسىنە باسىپ كىردىك، قاسىمداعى سەرىكتەسىمنىڭ وعى ءمۇلت كەتتى، مەن ەكى مارتە باستان اتتىم دەيدى،»-دەيدى روبەرت.
روبەرت و نيل اۋعانستان مەن يراكتى قوسقاندا 4 جەردە اسكەري جونەلتىلىمدە بولعان. 400-دەي وپەراسياعا قاتىسسا، جەكە ءوزى 30 ادامدى مەرت قىلعان. قازا تاپقانداردىڭ ىشىندە ۋساما بەن لادەن دە بار.
اقش-تىڭ بارلاۋ اگەنتتىكتەرىنىڭ مالىمەتىنشە ۋساما ءومىرىنىڭ سوڭعى جىلدارى اببوتاباد قالاسىندا ەكى ايەلى جانە بالالارىمەن بىرگە تۇرعان. بىردە-بىر رەت اۋلا سىرتىنا شىقپاعان. ۋساما امەريكالىق اسكەريلەردىڭ رەيدى بارىسىندا 2011 جىلدىڭ 2 مامىرىندا ولتىرىلگەن بولاتىن.
