پارلامەنت ءماجىلىسىنىڭ جالپى وتىرىسىندا ق ر اقپارات جانە كوممۋنيكاسيالار ءمينيسترى داۋرەن ابايەۆ باق-پەن ءوزارا ءىس-قيمىل ءۇشىن مەمورگانداردىڭ جاۋاپكەرشىلىگى ارتاتىنىن ايتتى، دەپ حابارلايدى  Qamshy.kz اقپارات اگەنتتىگى

اتاپ ايتقاندا، مەملەكەتتىك قىزمەتكەرلەردىڭ ەڭبەكاقىسى بۇقارالىق اقپارات قۇرالدارىنىڭ ساۋالدارىنا جاۋاپ بەرۋ جاعدايىنا بايلانىستى بولادى. «قىزمەت تيىمدىلىگىن باعالاۋدى بونۋستىق-بالدىق جۇيەگە بايلانىستىرامىز. ياعني ەگەر دە ول جاۋاپ بەرمەسە، ونىڭ رەيتينگى تومەندەيدى، سايكەسىنشە ەڭبەكاقىسى دا ازايادى. بىزدە اقپاراتقا قول جەتكىزۋ زاڭى بار، وندا مەمورگاندار قىزمەتىنىڭ تيىمدىلىگىن باعالۋدى ەسكەرەتىن ءبولىم قامتىلعان. باسشىسى قىزمەتكەردىڭ جۇمىسىنداعى تيىمدىلىكتىڭ نەگىزگى كورسەتكىشىن قارايتىن بولادى. كريتەرييلەردىڭ ءبىرى رەتىندە باق-پەن جۇمىس بولادى. سونىمەن قاتار ول ونى قىزمەتىنەن دە بوساتا دا الادى»،-دەدى مينيستر پارلامەنت ماجىلىسىندەگى جالپى وتىرىس بارىسىندا تىلشىلەر ساۋالىنا جاۋاپ بەرۋ كەزىندە.

وسى ماسەلە بويىنشا تىلشىلەر قاۋىمى كەي كەزدەردە مەملەكەتتىك ورگاندار ب ا ق ساۋالدارىن نازاردان تىس قالدىراتىنىن اتاپ ءوتتى. ءوز كەزەگىندە د. ابايەۆ «رەسمي وكىل» ۇعىمى ەنگىزىلىپ جاتقانىن، رەسمي وكىل ءوز جۇمىسىندا باق-پەن جۇمىسقا تىكەلەي جاۋاپ بەرەتىنىن ءتۇسىندىردى.

بۇدان بولەك، مينيستر بۇقارالىق اقپارات قۇرالدارى ساۋالدارىنا جاۋاپ بەرۋ مەرزىمىن قىسقارتۋ قاراستىرىلىپ جاتقانىن ءسوز ەتتى. «ءقازىر تالقىلىپ جاتىرمىز. ءبىر اپتانىڭ ىشىندە بەلگىلى بولادى»،- دەپ تۇيىندەدى ءسوزىن مينيستر. ءماجىلىس دەپۋتاتتارى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اقپارات جانە كوممۋنيكاسيالار ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ءبىرىنشى وقىلىمدا ماقۇلدادى.